По повод освојувањето на втората шампионска МотоГП титула на Марк Маркез, подготвивме галерија во која може да се видат почетоците на малиот Маркез кој прерасна во вистински МотоГП шампион.

Кавасаки го претстави новиот модел од гамата на крузери за 2015 година наречен Kawasaki Vulcan S.

Марк Маркез е новиот МотоГП шампион! По денешната трка на патеката Мотеги во Јапонија, Маркез на три трки пред крајот на сезоната има недостижен број на бодови со што ја одбрани титулата од минатата сезона.

На утрешната МотоГП трка на патеката Мотеги која се вози за „Мотул Гранд При на Јапонија“ од првата позиција ќе стартува возачот на Дукати, Андреа Довициозо, второ време забележа Валентино Роси со заостанување од само 0.055 од времето на Довициозо. Третото место во првиот ред му припадна на Дани Педроса.

Во организација на Мото клубот ЛТД Спортс од Битола, а  под покровителство на Мотоциклистичката федерацијата на Македонија во недела, 12 октомври на легендарната патека Братиндол крај Битола, ќе се одржи третата трка од отворениот Шампионат на Македонија во мотокрос за 2014 година.

Хорхе Лоренцо излезе како победник на хаотичната суво-мокра трка која денеска се одржа на патеката Арагон во Шпанија.

Марк Маркез ќе ја започне утрешната МотоГП трка на патеката Арагон од првата позиција по 11-ти пат во сезоната.

На патеката Лагово крај Прилеп се одржа деветата рунда од Источно Европскиот шампионат во Мотокрос.

Саемот за мотори во Келн ќе ги отвори вратите за посетителите од 1-5 октомври. На Интермот 2014 ќе имаме прилика да проследиме 900 излагачи од 35 земји кои ќе претстават повеќе од 1200 брендови на мотори и мото опрема.

Саемот за мотори во Келн ќе ги отвори вратите за посетителите од 1-5 октомври. На Интермот 2014 ќе имаме прилика да проследиме 900 излагачи од 35 земји кои ќе претстават повеќе од 1200 брендови на мотори и мото опрема.

Годинава Келн ќе биде градот во кој ќе се соберат производителите на мотори и мото опрема, Интермот 2014 започнува на 1-ви октомври, а ќе трае до 5-ти, период во кој повеќе од 900 излагачи од 35 земји на јавноста ќе и претстават повеќе од 1200 брендови на мотори и мото опрема.

Интермот ќе биде домаќин на сите големи играчи во мото светот, ќе бидат презентирани нови модели на мотоцикли, скутери, е-мотори, агрегати, мото делови, гуми, масла... едноставно се што има врска со мото светот.

Имајќи во предвид дека саемот во Келн годинава слави јубилеј 50 години постоење, интересот кај големите брендови е огромен, па така свое место за претставување веќе имаат резервирано BMW, Ducati, Harley-Davidson, Honda, Kawasaki, Suzuki, Piaggio (Групација:Aprilia, Piaggio, Vespa, Scarabeo, Derbi, Gilera и Moto Guzzi)  како и Triumph. KTM и Yamaha ќе бидат претставени на поголеми штандови со цел достојно да ги презентираат своите нови модели, а секако на саемот ќе бидат присутни и Husqvarna, Polaris, Victory и Indian. На саемот ќе бидат присутни и производители на гуми, моторни масла

Што не очекува?

Најавени се многу нови модели, според досегашните информации на саемот во Келн ќе бидат претставени следните модели за 2015: BMW S1000RR, Kawasaki Ninja H2, Yamaha R1, KTM 1290 Super Adventure, Ducati Scrambler.. 

Саемот ќе биде поставен во 5 хали, на вкупна површина од 118.000 квадратни метри, како и до сега, за публиката ќе биде обезбедена и забава во форма на фристајл МХ шоу, ќе биде организиран и натпревар во кастм изработка на мотоцикли, тест возења, трајл натпревар и многу други активности кои ќе ја направат посетата на саемот незаборавна.

Доколку сте во можност да го посетите саемот во Келн, не ја пропуштајте приликата, во спротивно следете не бидејќи нашата екипа веќе ја доби акредитацијата за саемот, а вие ќе имате прилика да ги видите сите новитети за 2015 преку објективот на нашиот фоторепортер.

Во петок (19-ти септември) ќе прославиме 7 години постоење на нашиот и ваш Мотори.ком.мк

Американската стант група „StreetFighterz“ секоја година го организира познатото возење низ САД наречено „Ride of the Century“, годинешното 12-то по ред според организаторите помина одлично.

Патеката Лагово крај Прилеп ќе биде домаќин на деветата рунда од Источно-Европскиот шампионат во мотокрос која ќе се вози овој викенд (20 и 21.09.2014)

Викендов на патеката Тројан во Бугарија се возеше осмата рунда од Источно Европскиот шампионат во мотокрос на кој Македонија имаше двајца претставници - Христијан Илиоски и Борче Костов.

Младиот и талентиран Аргетим Рамадани од Кичево е на чекор до Red Bull MotoGP Rookie Cup натпреварувањето откако ја помина првата пречка и го поканија на селективно возење кое ќе се одржи од 14-16 октомври во Шпанија.

Домашната публика на патеката Мизано полуде откако нивниот миленик Валентино Роси ја забележа првата победа во сезоната, во трка во Лоренцо и Педроса се искачија на подиумот, а Марк Маркез освои само еден бод за 15-та позиција по падот кој го доживеа.

Скај Мото Дооел генерален застапник и дистрибутер на мото програмата од Continental, известува дека компанијата Continental GmbH Germany започна со спроведување на доброволен програм за БЕСПЛАТНА замена на предни гуми, кој опфаќа околу 170.000 гуми од димензиите 120/70 ZR 17 и 120/70 R 17.

Во продолжение следува приказната на нашиот читател Т. Гочев кој се соочува со сериозен проблем откако му бил украден скутерот, а потоа и пронајден но за жал не стигнал до неговите раце.

Христијан Илиоски - Кико се враќа од трката во Источно-Европскиот шампионат во мотокрос која викендов се возеше во Самоков (Бугарија) со пехарот за второто место откако забележа една победа и едно трето место на трките!

Втора последователна година Британското Гранд При беше местото на спектакуларен дуел помеѓу возачот на Репсол Хонда тимот Марк Маркез и возачот на Мовистар Јамаха тимот Хорхе Лоренцо. Оваа година Маркез беше човекот кој излезе како победник на Силверстоун, трка во која актуелниот Светски шампион го победи својот Шпански сонародник.

На 28-ми август во Куманово на патеката Забел во Старо Нагоричане ќе се одржи мотокрос трка по повод празникот Голема Богородица.

23-то мото рели „Македонија - Независност“ ќе се одржи од 6 до 8 септември. Поаѓањето е во сабота во 10 часот од плоштадот Македонија во Скопје, а пристигнувањето на истото место е предвидено за на 8-ми септември (понеделник, неработен ден).

Актуелниот Светски шампион во Супербајк шампионатот Том Сајкс потпиша нов договор со фабричкиот тим на Кавасаки со кој се обврзува на верност до 2016-та година.

Неформалната кампања која започна на социјалните мрежи со цел подигање на свеста за заболените од Амиотрофична латерална склероза (АЛС) ја прифати и Хорхе Лоренцо.

Мото клубот Рисови од Прилеп на 23-ти и 24-ти август го организира Мото фестивалот Прилеп 2014.

Сузуки ги објави деталите за лимитираната едиција на GSX-R1000 World Superbike реплика која ќе се произведе во само 25 примероци со Voltcom Crescent Suzuki бои.

Одличната сезона за Маркез заврши! Дани Педроса се искачи на победничкото место на пиедесталот за прв пат по Малезија минатата година, и со тоа ја прекина победничката серија. Хорхе Лоренцо и Валентино Роси му се придружија на подиумот во Брно на Педроса.

Мотоциклистите возеле од Велешта кон Струга, кога на нив налетало возилото „тигуан“ со струшки регистарски таблички, кое непрописно претекнувало.

Откако успешно закрепна од повредата на ногата, Рок Багорош продолжува со својата стантерска кариера кој неодамна го одведе во Јужна Америка.

Во Акрапович се горди на новата тркачка линија издуви која ја подготвија специјално за Yamaha MT-09 / FZ-09

Ако до пред некоја трка беше неизвесно дали Маркез ќе успее да ја одбрани шампионската титула, сега веќе никој не се сомнева во тоа, единственото прашање е дали ќе успее да победи на сите 18 трки во шампионатот?

Летната пауза за МотоГП заврши, возбудувањата се враќаат на патеката Индијанаполис која е изменета во однос на претходниот распоред, па затоа сега возачите имаат различни резултати од минатата година.

Кал Крачлоу го раскина договорот со Дукати, од следната сезона ќе вози за новиот LCR Honda тим кој ќе биде спонзориран од CWM. Крачлоу во 2015 ќе вози фабричка Honda RC213V.

Патеката Долна Митрополија во Плевен (Бугарија) ќе биде домаќин на третата трка од Источно Европскиот шампионат во брзински мотоциклизам на која ќе настапи нашиот Игор Спиров - Зизи.

Патеката Волково викендов беше домаќин на третата трка во сезоната од Сакамото купот во трки со скутери, супермото и минимото.

Ивана и Ману со својата „Yamaha XT660Z Tenere“ од 13 септември 2013 се на пат околу светот, веќе поминаа низ три континенти, а паузата додека патуваат кон Америка ја користиме за уште едно интервју.

Џош Шихан со двојно салто наназад го проби својот пат кон спектакуларната победа на дуелот од Red Bull X-Fighters во Минхен, летна бајка која што ја престори борбата за титулата во натпревар на двајцата најдобри пред финалето на сезоната во Јужна Африка.

Овој викенд на патеката Волково во Скопје се вози третата трка од Сакамото рејсинг купот со скутери, супермото, минимото и картинзи.

На 19.07.2014 (сабота) мото клубот „Reapers MC Macedonia“ организира мото собир во Богданци од отворен карактер. 

Трката за ГН на Германија започна необично заради дождот кој паѓаше пред трката, па така поголем дел од возачите наместо од стартната рамнина, трката ја започнаа од боксот.

Во овој текст ви ги предочуваме сите прописти за управување на скутер или мотор според законот за безбедност на сообраќајот на патиштата и казните со кои можете да се соочите доколку не ги почитувате правилата.

МотоГП тимот на Јамаха објави со задоволство дека го продолжува договорот со Валентино Роси за следните две сезони, со што Докторот останува да вози во Movistar Yamaha МотоГП тимот до 2016 година.

Верувале или не, лимитираната едиција на Honda NM4 Vultus пристигна во салонот на Хонда во Скопје, и може да биде ваша за само 10.990 евра.

Она кога ќе ти пукне филм од сите „моторџии“ што летаат низ град со 250, а од заштитна опрема носат наочари. Моторџија мал по стаж, голем по размислување, има свој коментар на темата кој го пренесуваме интегрално.

По бавниот почеток на сезоната, бранителот на титулата во Red Bull X-Fighters Томас Паже од Франција направи камбек во коридата Лас Вентас во Мадрид, и тоа со гнев. За да ги совлада конкурентите кои направија спектакуларни изведби на точки што некогаш се видени во ова натпреварување, тој мораше да создаде историја и успеа во тоа, изведувајќи ја првата точка со превртување на моторот.

Викендов на патеката Глобаре во Србија се возеа трки од Источно-Европскиот шампионат во мотокрос нa кој учествуваа пет натпреварувачи со македонски лиценци. Нај успешен од нив беше Христијан Илиоски - Кико, кој во најсилната класа го освои третото место и повторно со пехар се врати во Македонија.

Поканата од Мото Азуро да ја провозиме новата Yamaha X-MAX 250 ја прифативме со задоволство, новиот дизајн, агрегат како и перформансите ставени на хартија беа гарант за забавно возење.

Отежнатите услови на Асен не му ги поматија на актуелниот Светски шампион Марк Маркез кој дојде до осмата победа во осмата трка од сезоната.

Мадрид ќе биде домаќин на Red Bull X-Fighters по тринаесетти пат во низа, кога најдобрите возачи на мотокрос слободен стил ќе полетаат во нова битка на фамозната корида.

Изминатиот викенд на патеката Берановац во Краљево се возеше втората трка од српскиот шампионат во брзински мотоциклизам, на која како гостин учествуваше нашиот Игор Спиров - Зизи.

8-та рунда во МотоГП шампионатот донесе изненадување на денешните квалификации, откако најдобар резултат постави Алеш Еспергаро со својата сателитска Јамаха.

Нашиот најдобар мотоциклист на Источно-Европскиот шампионат во мотокрос, Христијан Илиоски - Кико забележа победа во четвртата рунда од сезоната.

Нашиот најдобар мотоциклист на Источно-Европскиот шампионат во мотокрос, Христијан Илиоски - Кико забележа победа во четвртата рунда од сезоната.

Од почетокот на сезоната во Источно-Европскиот шампионат во мотокрост поминаа четири рунди, или седум трки кои беа доволни нашиот најдобар натпреварувач во оваа конкуренција да се закити со златото. Дека Илиоски е повторно во онаа препознатлива форма се покажа на самиот почеток од сезоната, трките во Грција за Кико беа прв меѓународен успех по подолга пауза, па иако се врати со трето место за неговите фанови успехот беше еднаков на победа.

Потоа следуваше втората рунда во сезоната, трката во Турција која му ја донесе втората позиција и напредок во генералниот пласман. Следуваа трките во Романија, каде она што требаше во најмала рака да биде повторување на успехот се претвори до дебакл. Најдоброто време на квалификациите и тренинзите навестуваа конечна победа во меѓународни рамки, но за жал трките беа откажани па остана само сатисфакцијата дека времето на Илиоски е нов рекорд во Романија.

Дојде на ред и Босна. Трка која многумина од натпреварувачите ја прешкртаа од календарот на самиот старт, многупати до сега беше откажувана, па никој не ни помисли дека по поплавите Босанската мото федерација ќе ја организира трката. Сепак се покажа дека кога се сака, се се може. Трката се одржа иако условите беа тешки, вирови на стазата и бразди кои се појавуваа со секое поминување на кросевите, a на крајот од денот, по две извозени трки, трето место за Илиоски.

Три рунди, три пехари и трето место во генералниот пласман. Изминатиот викенд се возеше четвртата рунда во сезоната која конечно го донесе заслужениот успех за младиот битолчанец. Илиоски дојде до победа на патеката Сливен во Бугарија и со тоа се искачи на втората позиција во генералниот пласман на Источно-Европскиот шампионат.

Сепак борбата не застанува тука, веќе утре тој заминува за Србија, каде на патеката глобаре ќе се обиде да го повтори успехот и да дојде на чекор поблиску до водечката позиција која во моментов му припаѓа на Адријан Радута од Романија.

Нашиот втор претставник, Борче Костов - Жолт кој се натпреварува во класата МХ3 и МХ3 Ветерани забележа шесто и седмо место во Бугарија. Костов кој е верен сопатник на Илиоски на сите трки од Источно-Европскиот шампионат забележа солидни резултати на сите досегашни рунди, па така по фантастичното второ место во Босна и бодовите од оваа трка тој сеуште се наоѓа на третата позиција во неговата класа. 

Илиоски и Костов овој викенд ќе продолжат со трките во Србија, пред летната паузата од два месеци по што ќе продолжи шампионатот. До крајот на сезоната предвидени се уште 5 рунди (10 трки) за кои на нашите натпреварувачи ќе им биде потребна помош. Се надеваме дека конечно ќе се најде решение, дали преку институциите или преку спонзор кој ќе застане зад успешните возачи, но навистина е жално успехот на меѓународен план да не биде соодветно награден.