MotoGP

MotoGP го проширува својот „Road to MotoGP“ проект со воведување на „MotoGP Academy“, нова глобална иницијатива чија цел е создавање мрежа од елитни тркачки школи. Програмата е дизајнирана да го промовира мотоциклистичкиот спорт и да ја зголеми неговата достапност, особено во регионите каде што досега немало доволно можности за развој на млади возачи.

По азиската турнеја, MotoGP шампионатот пристигнува на една од најлегендарните патеки во светот на мотоциклизмот за Red Bull Големата награда на Австралија. Возачите ги очекува Phillip Island, патека која со децении важи за една од најбрзите, најтечните и највозбудливите во календарот, за жал, за последен пат.

Prima Pramac Yamaha MotoGP ќе мора да го заврши остатокот од сезоната 2026 без Топрак Разгатлиоглу. По дополнителните медицински прегледи во Милано беше донесена одлука турскиот возач да биде подложен на операција поради повредата на рамото здобиена при неговиот пад на Големата награда на Индонезија во Мандалика.

Honda Racing Corporation (HRC) официјално потврди дека Диого Мореира ќе му се приклучи на фабричкиот тим Honda HRC Castrol за сезоната 2027 во MotoGP шампионатот. Бразилецот потпиша повеќегодишен договор и ќе настапува како тимски колега на Фабио Квартараро во период кога шампионатот преминува кон нови технички правила.

Икер Лекуона повторно ќе седне на мотоциклот на тимот Gresini за претстојната трка за Големата награда на Австралија, што овој викенд се вози на патеката Филип Ајленд. Шпанскиот возач е повикан како замена за повредениот Фермин Алдегер.

Претстојната промена на правилата во MotoGP во 2027 година, која вклучува премин од сегашните 1000-кубични прототипови на агрегати на 850 кубика, ќе донесе значителни промени во карактеристиките на мотоциклите. Според првите впечатоци на возачите кои веќе имаа можност да ги тестираат новите машини, тие се полесни, помалку физички исцрпувачки и нудат поголемо уживање на патеката.

Шпанскиот совет за спорт го прогласи Марк Маркез за најдобар машки спортист во Шпанија за 2025 година. Ова признание доаѓа како круна на неговата доминантна сезона во MotoGP, во која 33-годишниот возач на фабричкиот тим на Ducati ја освои својата седма титула во кралската класа, односно деветта во кариерата.

Австралиското ГП во MotoGP се соочува со неизвесна иднина, откако плановите за преселба од „Филип Ајленд“ на нова улична патека во Аделаида до 2027 година наидоа на сериозни правни, еколошки и политички пречки. Проектот, чија вредност се проценува на околу 88,3 милиони евра, моментално е предмет на разгледување од Федералниот суд по поднесеното барање за стопирање на изградбата.

Маверик Вињалес се соочува со неизвесна иднина во MotoGP шампионатот откако KTM и Tech3 не го потврдија неговиот ангажман за 2027 година. И покрај тоа што возачот тврди дека има потпишан договор за таа сезона, неговиот статус останува нејасен, што поттикна шпекулации за наводен интерес од страна на Honda и Ducati.

Возачот на Gresini Ducati, Фермин Алдегер, успешно ја мина операцијата на десната рака по фрактурата што ја заработи за време на трката за Големата награда на Индонезија во Мандалика.

Возачот на Gresini Ducati, Фермин Алдегер, ќе мора да се подложи на хируршки зафат на десната рака откако доживеа низа падови за време на викендот на Големата награда на Индонезија.

MotoGP воведува парични казни за возачите кои нема да присуствуваат на задолжителните промотивни активности за време на тркачките викенди. Оваа мерка, која стапи на сила по известувањата испратени до тимовите за време на Индонезиското Гран При, предвидува санкција од 5.000 евра за секој пропуштен настан.