MotoGP

MotoGP: Дукати го утна датумот за тестирањето на Стонер

Планот за тестирање на MotoGP тимот на Ducati, доживеа проблем поради лошо толкување на правилата кои важат за тестирање

Следете нè на:

 

Планот за тестирање на MotoGP тимот на Ducati, доживеа проблем поради лошо толкување на правилата кои важат за тестирање. Овој проблем настанал при резервацијата на патеката во Лосаил, а на која Ducati во недела и понеделник требаше да оддржат приватни тестови.

Според планот, Кејси Стонер требаше да го тестира Ducati Desmosedici GP во недела и понеделник, откако завршија официјалните тестови.

Предноста на Ducati ќе била во тоа што Стонер ќе тестирал на релативно чиста патека и во слични услови како и останатите возачи и потоа ќе можеле да се споредат времињата кои биле постигнати од фабричките возачи и од Стонер.

Casey Stoner Ducati Test 2016Стонер на тестирањето во Сепанг

За жал, плановите на Ducati се спротивни на официјалните MotoGP правила за тестирање и од организаторите добија забрана. Според правилникот, забрането е тестирање доколку остануваат  уште две недели до оддржување на трка на истата патека.

1.15.1.1 MotoGP класа
Тест возачи:

Тест возачите можат да возат на било која патека во било кое време. Тестови не се дозволени на четиринаесет денови пред оддржување на трка на истата патека, освен доколку тоа не е дозволено од дирекцијата на трката.

Ducati првично изјави дека има забуна околу тоа дали периодот од четиринаесет дена важи од почетокот на трката или до стартот на тренингот, кој на патеката во Катар ќе се оддржи на 17ти Март.

Но дури и со најлабаво толкување на правилата, Стонер ќе можеше да тестира само во недела, а не и во понеделник. Алтернативата би била Стонер да тестира за време на официјалниот IRTA тест во Катар. Но, и тоа би било проблематично. Стонер треба да го тестира GP16, но бидејќи мотоциклот е се уште нов, нема доволен број на резервни делови.

Доколку Стонер го тестира GP16, тоа би значело дека тој ќе земе најмалку еден, а можеби и два мотоцикли од фабричките возачи на Ducati, Андреа Довициозо и Андреа Јанон. Бидејќи ова е последниот тест пред стартот на сезоната, таквиот негов настап само би преставувал дополнителна работа и би ја ограничил тест програмата.

Иако Ducati го цени знаењето и искуството на Стонер, тој сепак нема да се натпреварува оваа сезона. Довициозо и Јанон ќе бидат задолжени да му ја донесат првата победа на тимот по победата во 2010 година.

Иако е тешко да се сфати како еден добро организиран тим како Ducati можел да направи ваква грешка, тие не се единствените.

Според GPOne.com, Yamaha закажала приватно тестирање за Колин Едвардс на 8ми и 9ти март.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.