Вести од светот

Suzuki развива полу автоматски менувач за новата Hayabusa

Suzuki поднесе неколку патенти за полу автоматска трансмисија која би можела да се најде во следната генерација на Hayabusa моделите.

Следете нè на:

 

Досега компанијата поднесе три патенти кои се однесуваат на три различни аспекти од оваа технологија, а патентите се поднесени во Јапонија, САД и Германија.

Тие се дело на Хидетаки Такахаши кој исто така има уште неколку други патенти поврзани со преносот на Suzuki. Патентот ја објаснува употребата на „actuators“ при контролата на кумплугот како и менувањето на брзини. Резултатот е полу автоматска трансмисија, поточно, автоматска мануелна трансмисија (AMT).

021518 Suzuki Hayabusa automatic transmission patent f

Работи на принцип на притискање на педалата која испраќа електронски сигнал до ECU да иницира промена на брзината. Иако се тврди дека овој концепт би можел да се употреби кај други мотоцикли како и кај други превозни средства, засега сите цртежи се засноваат на Hayabusa. Но пред да продолжиме понатаму, да ги разгледаме и ограничувањата:

  1. Идеите на патентите не секогаш стигнуваат до производство.
  2. Ако пак се искористат, нема точно определен рок до кога треба да се најдат во производство.
  3. Сликите на патентите понекогаш се користат како илустрација и не мора да значи дека идниот производ ќе биде таков.

Во однос на последната точка, сликите на патентот изгледаат како актуелниот Hayabusa (или на некои пазари познат и како GSX1300R), со сличен изглед на моторот, рамката како и дистинктивниот заден дел на мотоциклот. Актуелниот Hayabusa за прв пат беше воведен во 2008 година и од тогаш па се до денес претрпе само една промена. Mожно е дури и оваа полуавтоматска трансмисија да биде применета кај овој модел. Сепак, да не заборавиме, Hayabusa не е во согласност со Euro 4 регулациите и наскоро нема да биде дозволена негова продажба на пазарите во Европа.

021518 Suzuki Hayabusa automatic transmission patent 12 552x388

Се очекува замената за него да пристигне во 2019 година, а според гласините кои ги има во моментов, се очекува новиот мотоцикл да има 1440cc или пак „turbocharger“. Тоа би имало некаква смисла, а исто така би ги доближила до нивниот најголем конкурент Kawasaki Ninja ZX-14R. Гласините за „turbo“ можеби се далеку од остварување со оглед на тоа дека Suzuki од претходно најави дека планираат да ја аплицираат оваа технологија кај моторите со средна големина.

021518 Suzuki Hayabusa patent US20180043969 8 492x388

Ќе мораме да почекаме за да видиме дали или пак кога Suzuki планира да го претстави новиот Hayabusa или дали тој ќе ја користи новата полуавтоматска трансмисија. По 31 декември 2018 година, актуелниот модел нема да смее повеќе да се продава во Европа па затоа можеме да очекуваме за време на саемот „EICMA“ во Милано или пак на саемот „Intermot“ во Келн оваа година да биде претставена новата верзија како модел за 2019 година.

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.