Мото индустријата понекогаш може да биде навистина конфузна. Секој ден читаме дека продажбата се намалува но речиси секоја втора недела пишуваме дека некои од големите производители постигнал успех во продажбата на мотоцикли во 2017 година.

BMW, Ducati, Triumph, Indian, имаме пишувано за сите нив. А дел од оваа листа сега станува и Yamaha откако компанијата соопшти дека постигнала рекордна продажба минатата година. Всушност, нејзиниот приход се зголемил за речиси 60 проценти.

r1m 2018

Иако Јапонската компанија продолжува со успешната продажба на мотоцикли со помала зафатнина сепак најголем профит е остварен од продажбата на „high-end“ машините. На ова дополнително влијаеше и фактот дека трошоците за производство компанијата ги држеше на ниско ниво.

Најголема продажба, каде зголемувањето изнесува речиси 10 проценти, беше остварена во Азиските земји. Ова зголемување на Yamaha и донесе огромен профит. Од компанијата задоволно соопштија дека минатата година оствариле најголем профит во изминатава декада. Профитот бил искористен за да се подобри продажбата на скутерите во брзо растечките пазари, односно земјите како што се Индија и Бразил.

Се чини дека Yamaha Motor не планира да запре. Од компанијата прогнозираат постепено зголемување на профитот и во 2018 година. Yamaha исто така имаше добра продажба и во другите сектори. Се чини дека во моментов работите и одат во прилог на Yamaha.

Back To Top