Веќе знаеме дека ни пристигнува нов Suzuki Hayabusa но засега нема доволно информации каков ќе биде тој мотоцикл, какви карактеристики ќе има и како ќе изгледа. И покрај ова, постојано има гласини за тоа што се ќе соддржи овој модел. Најновата таква информација ни доаѓа од Италијанскиот магазин „Insella“.

Новинарите кои се дел од весникот тврдат дека Suzuki GSX-1300R всушност ќе стане GSX-1400R и ќе биде модел за сезоната 2019, а Suzuki Hayabusa ќе добие зголемување на својот четири цилиндричен мотор на зафатнина од 1,440cc. 2019 Suzuki Hayabusa ќе биде комплетно нова машина која ќе има контрола на тракцијата, полу активна суспензија и ABS сопирачки.

Од наша перспектива, мотоциклот треба да добие значително подобрување со оглед на тоа дека последната негова верзија излезе пред десет години. И уште нешто, Suzuki Hayabusa оваа година одбележува јубилеј, односно 20 години од првото појавување на пазарот. Се надеваме дека Јапонската компанија ќе има некое специјално изненадување.

Првично направен да биде мотоцикл кој ќе ја предизвикува бариерата од 320 километри на час, Hayabusa доби репутација на квалитетен уличен мотоцикл. Создаден за да биде неуништлив, па немојте да се изненадите доколку налетате на некоја Hayabusa која има поминато огромен број на километри.

Со оглед на тоа дека Kawasaki значително се шири во „hypersport-touing “ категоријата, овој модел е од голема важност за нив. Но со оглед на квалитетот кој го покажа претходната верзија, очекувањата се високи. Тоа може и да се очекува кога некоја компанија нема да извади модел подолго време.

Верувам дека за кратко време Suzuki ќе ни ги открие нивните планови, но се дотогаш, гласините нема да престанат да се шират.