Вести од светот

MotoE: Energica зборува за ризикот од пожари кај електричните мотоцикли

Единствениот производител на мотоциклите кои се дел од MotoE серијата, Energica, се обрати во јавноста поради сомневањата кои се појавија по големиот пожар кој се случи во Херез. Велат дека има многу мали шанси пожарот да настанал од нивните машини.

Следете нè на:

 

Прелиминарните реултати од пожарот во кој настрадаа сите машини кои беа развивани за оваа серија покажуваат дека мотоциклите на Италијанската компанија не се одговорни за инцидентот кој настанал поради неисправен приклучок за струја.

Сепак, литиумските полимерни батерии кои ги користат Energica Ego мотоциклите се опасни и во случај да се запалат, треба да се примени специјална процедурва за нивно гасење.  Од компанијата велат дека иако се среќни поради нивниот безбедносен рекордд во изминативе десетина годии, сепак ќе работат заедно со првите луѓе на серијата за да ги подобрат безбедносните мерки.

Каков е ризикот од пожар кај превозните средства на Energica?

Тестовите кои ги применивме на нашите мотоцикли се истите оние кои се применети врз голем број на возила во текот на изминативе години. Тестот ги следи сите безбедносни стандарди. Ниту еден од нашите клиенти не се соочил со ваков проблем и во десет години не сме имале ниту еден безбедносен проблем. Такво нешто не се случи ниту во Херез. Поради тоа, воопшто не сме загрижени за безбедноста на нашите возила.

Кои се безбедносните мерки што ги примени Energica за да не се случат вакви работи кај мотоциклите?

Има неколку безбедносни уреди на батеријата и на самото возило кои спречуваат да се случат опасни ситуации. Постојано се следи температурата на батеријата. Дури и кога се полни, самиот систем кој го има возилото ќе спречи батеријата да достигне висока температура. За време на возењето, ако батеријата постигне одредена температура, тогаш автоматски се намалува моќноста на возилото.

MotoE Txt 27 03

Дали мотоциклите понекогаш покажале знаци на прегревање?

Тркачките мотоцикли секогаш останувале во рамките на границите кои ги имаме поставено иако нашите тест возачи поминуваат по илјадници километри. Тркачките мотоцикли ги имаат наследено безбедносните стандарди кои ги имаме поставено за нашите улични возила кои пак ги имаат потребните сертификати за возење во Европската Унија и САД. Безбедноста е нашиот главен приоритет. Како надополнување на ова, зголемен е бројот на тестови кои се направени во соработка со IRTA за да се подобри издржливоста на батериите. Овие тестови беа навистина екстремни. Се помина во најдобар ред а резултатите ги надминаа нашите очекувања.

Какви тестови се направени со цел да се гарантира интегритетот на батериите кај тркачките мотоцикли во случај на несреќа. Какви беа резултатите?

Направивме неколку тестови за да се види механичката издржливост на батеријата и колкава е нејзината опторност при удар. Резултатите беа многу подобри отколку кај тестовите направени на мотоцикли кои користат бензин.

Би можело да ве интересира

„Се обидовме да работиме на електрониката. Исто така најдовме и подобар баланс во споредба со минатата година. Мотоциклот работи подобро.“ - Валентино Роси.

Се повеќе и повеќе земји ширум светот сакаат да станат дел од MotoGP.

„Не е случајност и не се работи само за една трка. Од минатата година на патеките во Мисано и Арагон, постојано се наоѓаме блиску до подиумот“ – Давиде Бривио.

Мојата главна цел е да се обидам и да дојдам до место во некој фабрички тим. Би сакал тоа да биде Ducati.

Организаторите на релито Дакар објавија дека познатата трка од Јужна Америка ќе се префрли во Саудиска Арабија.

„Имавме поинаков проблем во споредба со вчера“ – лошиот старт на сезоната за Хорхе Лоренцо продолжи и на патеката во Тексас.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.