„Дали возиме или одиме во вселената?“
Се почесто на пазарот ги гледаме паметните кациги.А со цел да се ја зголеми потрошувачката, секоја компанија се обидува да има сопствени карактеристики по кои би се разликувала од своите конкуренти. Кај „CrossHelmet“ овие карактеристики се неверојатниот дизајн како и контрола на допир.
Дизајнот кој го има X1 прави кацигата да може да биде дел од некој научно-фантастичен филм или пак видео игра. Заоблениот профил на предниот влез за воздух како и визирот и даваат футуристички изглед. Заоблениот визор исто така прави пред лицето на возачот да има повеќе простор.Наместо штитникот за брадата да биде близу до устата, самиот дизајн го прави предниот дел од кацигата да биде малку подалеку од лицето.
Како и кај останатите паметни кациги кои се појавуваат на пазарот, „CrossHelmet “ користи HUD технологија која ги прикажува сите потребни информации,меѓу кои се навигацијата како и камерата која му овозможува на возачот да има целосна прегледност околу себе.
Ова се само дел од работите која секоја паметна кацига треба да ги содржи. Но она што ја издвојува X1 се контролите. Контролите кои реагираат на допир, кои се наоѓаат на страничните делови на кацигата, му овозможуваат на возачот да изврши голем број на команди. Тие повеќе реагираат на притисок отколку само на допир што значи дека возачот нема да има потреба да ги вади ракавиците.
Литиумско-Керамичката батерија може да издржи шест до осум часа.Кацигата е опремена со 8GB мемориска картичка како и Quad ARM Cortex A53 1.2 GHz процесор. Од компанијата велат дека кацигата ги задоволува сите безбедносни стандарди. Исто така, можете да одберете кацига чиј што визор се прилагодува во зависност од јачината на светлината.
Со тежина од 1 килограм и 780 грама, оваа кацига е една од потешките на пазарот, но тоа е цената која треба да се плати за сета оваа технологија. А и самата цена на кацигата е исто така прилично висока. Кога и официјално ќе се најде во продажба, таа би чинела 1,799 фунти. За сите оние кои се заинтересирани да ја нарачаат порано, цената изнесува 1,649 фунти а заедно со неа ќе добијат и еден пар ракавици. Доставата се очекува да почне во Јуни 2019 година.
