Прв преглед: 2021 Triumph Rocket 3 R Black и Rocket 3 GT Triple Black

Ново изненадување за фановите на Triumph.

Овој пат зборуваме за два модели, 2021 Triumph Rocket 3 R Black и Rocket 3 GT Triple Black. Низ целиот свет ќе бидат пуштени во продажба само 1000 примероци а секој од нив ќе има посебен сертификат за автентичност.

Основните Rocket 3 модели веќе го имаат најголемиот мотор кој има 165 коњски сили при 6,000 rpm како и 163 foot-pounds of torque при 4,000 rpm. Заедно со поголемиот дел од техничките спецификации, ова останува исто и кај Rocket 3 R Black и Rocket 3 R Triple Black. Она што ги дели овие два модели е изгледот.

Black и Triple Black машините се наоѓаат некаде помеѓу основните модели и Triumph Factory Custom (TFC) и преставуваат достапна машина за сите оние кои сакаат нешто уникатно. Во однос на основните Rocket 3, од компанијата велат дека тие се продаваат многу добро. Не е изненадување и тоа дека во САД најмногу се продаваат Rocket моделите, иако нивната продажба постепено расте и во Европа.

Од компанијата велат дека наскоро на пазарот ќе се појават нови TFC но и дека следната генерација на овие мотоцикли нема да биде Rocket 3.

Rocket 3 R Black

Rocket 3 R Black има црна боја а црн е исто така и знакот на Triumph. Темна боја имаат и штитниците за топлина, долниот дел од вилушката како и голем број на елементи кои се израбортени од алуминиум. Според компанијата, овој ефект дава многу поинаква слика на мотоциклот.

Rocket 3 GT Triple Black

Зошто Triple Black за GT? Од компанијата велат дека бојата на оваа верзија всушност се три различни нијанси на сива и црна. Од компанијата велат дека продажбата е подеднакво добра за R и GT а дека бојата само треба да им помогне на клиентите при нивниот избор помеѓу двата мотоцикли. Според мене, дизајнот на Triple Black изгледа многу порафиниран.

Triumph ги гледа Ducati Diavel/XDiavel како и поголемите Harley-Davidson модели како главни ривали на овој мотоцикл. Rocket 3 е еден од главните модели на Triumph и очекуваат овие лимитирани верзии веднаш да се продадат.

Се сеќавате на Street Twin Gold Line лимитираната верзија од пред неколку недели? Имам чуство дека Triumph ќе направи лимитирана верзија и од останатите модели.

Rocket 3 R Black и Rocket 3 GT Triple Black ќе се најдат во продавниците кон крајот на април.

Од Triumph велат дека продавачите можат уште сега да прифаќаат депозити за овие мотоцикли. Доколку и вие сте заинтересирани за оваа машина, тогаш треба да побрзате и да ги нарачате.