Вести од светот

Батериите кои се менуваат наскоро ќе станат реалност

Honda, KTM, Piaggio и Yamaha потпишаа договор за креирање на „swappable batteries consortium“.

Следете нè на:

Honda, KTM, Piaggio и Yamaha потпишаа договор за креирање на „swappable batteries consortium“.

Негова задача ќе биде да се стандардизираат батериите за електричните мотоцикли. Оваа стандардизација е еден од главните проблеми кај електрификацијата но се чини дека сега тој проблем е надминат.

Главниот проблем кај менувањето на батериите е цената на инфраструктурата. Ако еден производител сака на пазарот да има поголем број на батерии, тоа е скапа инвестиција.

Honda swappable battery

Ако секоја компанија користи различен тип на батерија, тоа истовремено ќе биде скапо и непотребно. Многу подобра опција е една батерија која одговара на неколку мотоцикли.

„За потрошувачите од големо значење е стандардизација на батериите и токму поради тоа, четирите големи производители се одлучија да формираат конзорциум,“ вели Нориаки Абе, преставник на Honda.

„Преку оваа соработка но и натпреварување, за клиентите ќе можеме да обезбедиме подобри продукти. Honda ќе работи напорно со цел уште повеќе да им се допадне на фановите на мотоциклите.“

Honda PCX Electric 02

Но она што е особено интересно во однос на вклученоста на Honda во проектот е тоа дека тие се единствената компанија, од четирите кои се дел од групата, која има сама развиено ваква технологија.

Yamaha претходно склучи договор со Gogoro, Тајванска компанија која долги години е пионер во оваа технологија на Блискиот Исток. Од друга страна, Piaggio има електрична Веспа. Но и двете компании немаат сами развиено ваква технологија.

Ова, исто така, не е ваков прв обид. Во 2020-та година истото се обидоа да го направат Honda, Yamaha, Kawasaki и Suzuki.

Групата ќе почне со работа во мај а првата цел е да се стандардизираат обликот, големината и техничките спецификации со цел ваквиот вид на батерија да биде стандардна како за мопедите така и за мотоциклите.

Honda PCX Electric 01

Четирите производители се надеваат дека на овој начин ќе успеат и да ги намалат трошоците за изработка што пак ќе доведе до помала цена за мотоциклите и инфраструктурата. Но исто така се очекува да се подобри и издржливоста на батериите како и да се направи времето потребно за полнење пократко. Ако го исполнат планот, групата смета дека тоа ќе ги надмине грижите кои постојат кај потрошувачите и ќе не подготви за нов свет во кои главен збор ќе имаат електричните мотоцикли.

Би можело да ве интересира

Како што најави пред некоја недела, Honda го претстави својот нов турер на база на Africa Twic - NT1100

Асоцијацијата Железен задник или оригинално именувана Iron Butt Association е организација посветена на безбедни и долги патувања со мотор. Глобално има повеќе од 75.000 членови, а оваа есен, го доби и првиот член од Македонија.

Минатата недела, според најавата, во јавност се појави втората епизода од серијалот на Ducati новитети најавен пред еден месец. Овој пат во епизодата Mark your roots претставени беа два нови модели Ducati Scrambler 1100 Tribute PRO и Ducati Scrambler Urban Motard. 

Мото клубот GUARDIAN ANGELS MC на 16-ти октомври ќе го прослави својот 13-ти роденден, а воедно ќе биде организирана и 11-та крводарителна акција.

Да, добро прочита Kawasaki официјлано најави хибриден мотор кој, се разбира, комбинира електрична енергија и стандарден мотор со внатрешно согорување. 

MotoGP на Instagram ги повика фановите да ги испратат своите видео снимки како го поздравуваат докотор. 

Реклами

Листа на мото настани

Благодарност!

Ви благодариме за тоа што споделувате содржини и го поддржувате нашиот веб сајт.