Останато

FIM MiniGP Светски шампионат за млади возачи

Dorna Motor Sports објави нова серија кој има за цел да промовира млади возачи и да им помогне во развојот на нивните кариери.

Новата серија се вика FIM MiniGP World Series и преку неа треба да се откријат нови, талентирани, возачи на возраст помеѓу 10 и 14 години ширум светот.

Концептот е едноставен, Dorna и FIM креираа стандардизиран тркачки формат кој може да го преземат сите клубови на национално, регионално и континентално ниво. Целта е да се креира изедначена серија преку која сите млади возачи ќе можат да покажат што знаат и умеат.

Според правилата поставени од FIМ, секоја MiniGP серија ќе има минимум четири настани со осум трки. Исто така, во секое натпреварување мора да има најмалку 15 редовни возачи.

Трките ќе се оддржуваат на картинг патеки а возачите ќе настапуваат со Ohvale GP-0 160 тркачки мотоцикли опремени со пневматици на Pirelli.

FIM Mini GP

Dorna бара првиот настан да се случи во јули 2021 година а последниот би требало да се оддржи не подоцна од 17-ти октомври. Сепак, ништо од ова уште не е сигурно поради коронавирусот.

Најдобрите возачи од неколкуте серии на крајот како награда ќе можат да бидат дел од World Final, кој пак треба да се оддржи една недела пред последната MotoGP трка од сезоната.

Победникот ќе обезбеди место во една од „Road To MotoGP“ програмите што пак преставува следен чекор во Гран При трките. Меѓудругите, такви се: Asia Talent Cup, British Talent Cup, Northern Talent Cup, European Talent Cup.

„FIM MiniGP World Series е првиот чекор за сите млади возачи кој води до исполнување на нивната цел а тоа е настап во FIM MotoGP шампионатот“ , вели претседателот на FIM, Хорхе Виегас.

„Ова е почетната точка која досега недостасуваше. Овие трки ќе им помогнат на младите и талентирани возачи да се искачат на подиумот со многу мал буџет.“

„Исто така, оваа иницијатива им помага на националните федерации да се најдат најгоре во системот бидејќи од нив зависи организирањето на националните серии и одбирањето на најдобрите возачи од секоја држава кои ќе настапат на финалето во Валенсија.“

„Dorna и FIM веќе неколку години работат на овој проект. Сега тој станува реалност“, вели Виегас.

Би можело да ве интересира

Како што забележавме на претходната трка во Британија, на тројцата најбрзи им се приклучува и Redding.

Кон крајот на минатиот месец ја имавме честа и задоволството да бидеме дел од првото европско демо возење организирано за медиумите од страна на CFMOTO Франција. 

Победи во сите 3 трки во Donington Park како најава за враќање на Турчинот во одбрана на титулата.

Сите знаеме колку жртви се потребни за постигнување спортски успеси на врвно ниво, но возачите во MotoGP едноставно одат неколку чекори подалеку.

Не баш секој ден на тајмлајн ти поминуваат слики од некој што рачно изработува кациги, особено не тука во Скопје, Македонија. 

Без паника, ова е почеток на едно ново поглавје за култната фабрика од Болоња, но не е и збогум за гласните V2-ки и V4-ки.

Листа на мото настани

Мото клубот No Limit поканува на мото собир на 20 август во Маврово. 

  • 20 Август 2022 - 20 Август 2022
  • Ратрак Маврово

Ноќни Волци Балкан: Интернационален мото собир.

  • 09 Јули 2022 - 09 Јули 2022

Најава за мото собирот на МК ЏИНКА Радовиш кој ќе се оддржи на 29/30/31 јули 2022 година. Повеќе детали наскоро.

  • 29 Јули 2022 - 31 Јули 2022
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.