Викендов се вози втората трка од МотоГП шампионатот. Погледнете го распоредот за викендот и не заборавајте, МотоГП трката во недела започнува во 19 часот по наше време.

Прекрасната патека Лосаил лежи на работ од Доха, главниот град на Катар. Беше изградена за помалку од една година, а нејзината изградба чинеше 58 милиони американски долари, и вклучи ангажирање на повеќе од 1000 работници кои деноноќно работеа за патеката да биде подготвена пред почетокот на првата трка во 2004 година.

Патеката има должина од 5,4 километри, а обиколена е со вештачка трева која треба да го спречи песокот од околината да навлезе на патеката. Составена е од 16 свиоци од кои 6 се леви, а 10 десни. Најдолгиот правец изнесува 1068 метри, а најголемата брзина забележана на патеката изнесува 351,2 км/ч.

Со поставувањето на надворешното осветлување, во 2008 за прв пат во историјата се возеше ноќна трка, нешто по што остана препознатлива трката за Големата Награда на Катар.

Возбудувањата започнуваат утре (петок) според следниот распоред: