MotoGP

Остин: Победата на Ринс и Suzuki преставува „природна еволуција“

„Не е случајност и не се работи само за една трка. Од минатата година на патеките во Мисано и Арагон, постојано се наоѓаме блиску до подиумот“ – Давиде Бривио.

Следете нè на:

 

Алекс Ринс и Suzuki уште од крајот на минатата сезона, постојано се блиску до освојување на место на подиумот. Внимателната селекција на неколку нови делови во текот на зимската пауза ја комплетираа конечната слика.

За време на дебитанската сезона која му беше исполнета со повреди, Ринс заврши на шеснаесетото место. Дури во првата половина од минатата сезона, Ринс успеа да се искачи на подиумот.

Ринс и неговиот GSX-RR значително се подобрија од трката во Мисано и годината ја завршија со добар резултат, 4-4-6-3-5-2-2, кој му овозможи сезоната да ја заврши на петото место на табелата.

„Мислам дека Алекс ја заслужи победата бидејќи ова не е случајност. Мислам дека од трката во Мисано минатата година, постојано се наоѓаме блиску до подиумот“, изјави тимскиот менаџер Давиде Бривио.

„Понекогаш сме на подиумот а понекогаш не позицијата која е веднаш под него. Во секој случај, постојано сме добри, освен ако не се случи некој проблем. Затоа мислам дека ова е природна еволуција на се што правиме.“

„Да бидам искрен, сезоната ја започнавме со идеја дека треба да победиме на една трка. Затоа сум пресреќен што тоа конечно се случи. Ова исто така е и добра награда за сите кои работеа на мотоциклот бидејќи го подобривме во текот на зимата. Не направивме некоја голема работа туку неколку мали подобрувања.“

Suzuki Austin txt 1 18 04 copy copy copy

Првичниот чекор кон тие подобрувања го направи тест возачот Силвиан Гинтоли и шефот на неговиот тим, Том О’Кејн.

„Тие се од голема помош бидејќи ја прават првата селекција“, изјави Бривио. „Јоан Мир исто така го тестираше мотоциклот и го даде своето мислење. Но многу често, коментарите на Гинтоли се пресудни.“

„Многу внимаваме при селекцијата на деловите. Развиваме различни работи и треба да се селектираат вистинските делови, да го одберете она што ви носи предност и подобрување“, изјави Бривио.

„Можеби новата шасија не е веднаш подобра опција. Морате да направите длабока евалуација. Новиот мотор кој го имате, дали е подобар или не? Новата суспензија, подобра опција или не?“

„Ова е навистина тешко и потоа во текот на зимската пауза се обидуваш да ја решиш загатката. Можеби ќе ја употребите новата шасија и стариот мотор. Во однос на суспензијата, можеби ќе ја задржите старата. Нова вилушка...“

„Се обидувате да ги наредите деловите така што на крајот тие ќе го подобрат мотоциклот. А се чини дека ние не направивме премногу грешки.“

Ваквата посветеност и работа доведе до креирање на машина која е добра во речиси секој аспект.

„Но како што кажа Алекс, креиравме машина која можеби и не е совршена. Имавме проблеми на правецот во Катар, но севкупно гледано, мотоциклот има добар баланс.“

„Дури и тука, на патеката во Остин, има долг правец но ние сепак бевме компетитивни. Можеби на крајот мотоциклот на Yamaha беше премногу блиску но успеавме да победиме.“

Suzuki Austin txt 2 18 04 copy copy

Една од најимпресивните работи кај мотоциклот на Suzuki е фактот дека и покрај тоа што има добра брзина во свиокот, не ги оштетува пневматиците.

„Повеќе го користиме крајниот дел од гумите бидејќи ни треба поголема брзина. Можеби ова е различно од другите тимови, тие се обидуваат веднаш да го исправат мотоциклот“, објасни Бривио.

„Се чини дека нашиот мотоцикл е навистина нежен со гумите и тоа е добро.“

Од една страна ова можеби е добро но од друга можеби ги објаснува проблемите со кои тимот се соочува за време на квалификациите. Дури и на трката во Остин, тие стартуваа од седмото место.

Како што вели Бривио, најголемиот проблем останува кај моторот кој не можеме да го подобриме. Под ова мисли на забраната за модификации која ја имаат и Honda, Ducati и Yamaha.

Откако загуби од Ринс за помалку од половина секунда, Валентино Роси изјави: „Алекс вози многу добро. На неколку места одлично се постави за да ги избегне испакнатите делови од патеката. Тој исто така беше многу добар и при сопирањето.“

Бривио пак вели: „Валентино смета дека сме многу добри при сопирањето но јас сметам дека можеме да го подобриме тој дел. Исто така сметам дека можеме да го подобриме и забрзувањето.“

„Во моментов Алекс и Suzuki делуваат како одлична комбинација но има денови кога и тој се жали на некој проблем.“

Сега откако ја исполнија целта и стигнаа до победа, што е следно?

„Имаме уште 16 трки да се обидеме да го направиме истото“ , вели Бривио. „Секако дека сме свесни колку е тешко да се дојде до победа во волку компетитивна серија. Имаме добра машина, добар пакет и тука сме да се обидеме да победиме. Секако дека и другите тимови се тука поради истата причина. Нашата цел и во иднина останува иста, да се обидеме секогаш да бидеме меѓу најдобрите шест возачи. Да се обидеме да дојдеме до место на подиумот и да ги користиме шансите кои ни се пружаат.“

Во однос на шампионатот? Довициозо смета дека брзината на Ринс како и напредокот на тимот во текот на зимата ги вбројува меѓу четирите тима кои би можеле да дојдат до титулата.

„Мислам дека треба да размислуваме постепено и да видиме што ќе се случи. Доколку не направиме премногу грешки, на крајот би можеле да се најдеме на добра позиција.“

„Шампионатот е долг и знаеме дека има добри тимови кои се борат за титулата. Сега откако ќе заминеме во Европа, тие ќе бидат уште подобри. Но зошто да не се обидеме и ние да победиме.“

Ринс, кој од десетото место успеа да дојде до четвртата позиција во Катар а потоа и од шеснаесетото до петото место во Аргентина, во моментов е на третото место на табелата и заостанува само пет поени зад Довициозо.

Роси и Маркез се на второто и третото место а разликата меѓу нив изнесува само девет поени.

Би можело да ве интересира

На 28, 29 и 30 Јуни за првпат на овие простори ќе се одржи женски мото камп во близина на градот Салаш, Република Србија. На него е дозволено да учествуваат само девојки. Односно, оние кои возат мотори и оние кои не возат, а ја делат истата пасија со првите.

Валентино Роси вели дека имал многу проблеми на правите делови за време на одржувањето на Француската Гран При трка а неговиот мотоцикл бил многу послаб во споредба со мотоциклите на неговите ривали.

Џек Милер во Шпанија го испроба доминантниот Ducati Panigale V4 R.

Ducati тестираат замена за 959 Panigale и неговиот v-twin мотор.

„Секој викенд учиме нешто ново. Наскоро ќе бидеме подобри“  - Хорхе Лоренцо

Дали би купиле Кинески скутер од Австриска компанија кој го има знакот на Ducati?

Бидете информирани за сите новости директно на вашата е-маил адреса
Реклами

Листа на мото настани

  • 11 Мај 2019 - 11 Мај 2019
  • Фабрика Партизанка - Индустриска зона

  • 01 Јуни 2019 - 01 Јуни 2019
  • Голозинци
  • Велес

  • 02 Јуни 2019 - 02 Јуни 2019
  • Дом на млади
  • Штип

  • 07 Јуни 2019 - 08 Јуни 2019
  • Нов Парк
  • Свети Николе

  • 14 Јуни 2019 - 16 Јуни 2019
  • Кавадарци

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.