Мојата главна цел е да се обидам и да дојдам до место во некој фабрички тим. Би сакал тоа да биде Ducati.
Не е никаква тајна дека Џек Милер има за цел да обезбеди место во некој фабрички тим за сезоната 2020. Со оглед на тоа дека Андреа Довициозо има дво годишен договор а тимскиот колега на Милер, Франческо Бањаиа се уште не делува дека е подготвен, се чини дека главната битка на Милер ќе биде со актуелниот возач на тимот, Данило Петручи.
Засега, борбата е изедначена.
Петручи е на петото место во генералниот пласман и има предност од само еден поен во однос на Милер. Сепак, Австралиецот на две трки успеа да биде подобар од Петручи а врвот беше местото на подиумот на трката која се возеше во Остин.
„Секако дека мојата цел е да обезбедам место во некој фабрички тим. Би сакал тоа да биде Ducati“, изјави Милер кој исто како и Довициозо и Петручи ја има најновата верзија на GP19.
„Мислам дека оваа година вршиме добра работа. И на двете трки кои ги завршив се најдов пред Петручи. Засега годината се развива добро, но да почекаме и да видиме како ќе биде и во иднина.“
„И во изминативе неколку сезони, почетокот ми беше добар но работите се менуваа некаде од трката во Муџело. Се надева дека тоа нема да се случи и оваа година.“
Во моментов, местото на Петручи во Ducati е единственото кое би можжело да биде преземено. Сите останати фабрички возачи имаат договор до 2021 година.
Коментари