Ники Хејдн потврди дека нема да вози за Дукати во 2014 година

За време на првата прес конференција во Лагуна Сека, Ники Хејдн потврди дека нема да вози за Дукати во MotoGP во 2014 година.

За време на првата прес конференција во Лагуна Сека, Ники Хејдн потврди дека нема да вози за Дукати во MotoGP во 2014 година.

Бидејќи има многу малку опции во премиерната класа, Светскиот Шампион од 2006 година размислува да премине во Светскиот Супербајк шампионат. Тој имал понуди од Дукати и од BMW.

„Нема да возам за Дукати во MotoGP следната сезона. Сеуште незнам што ќе правам. Имам неколку интересни опции,“ изјави Хејдн. „Не сум сигурен дека Репсол Хонда ќе тропнат на мојата врата. Се разбира дека сакам да останам во MotoGP, но мора да видам кои ми се опциите.“

Бидејќи местото на Хејдн сега е слободно, очекуваме до крајот на викендот да дознаеме кој ќе го замени во 2014 година.

Кој мисли дека Кал Кратчлоу ќе му се придружи на поранешниот тимски колега од Јамаха Тек 3?