Откако беше откажана трката во Катар, а веднаш потоа и одложена трката во Тајланд, челниците на МотоГП денеска излегоа со надополнет календар за 2020 година.

Според новиот календар трката која требаше да се вози во Тајланд на 22-ти март ќе се вози на 3-ти и 4-ти Октомври. Бидејќи на овој датум првично беше закажана трката на патеката Арагон, таа е преместена за една недела порано односно на 26-ти и 27-ми септември. Освен ова календарот за сега останува ист, 19 трки од МотоГП и по 20 во Мото2 и Мото3 класите.

За сега останува планот следна трка да биде онаа во САД на 4-ти и 5-ти април, со надеж дека нема дополнително да се искомплицираат работите со корона вирусот па повторно да добие одложување или откажува.

Директорот на Дорна е убеден дека оваа година ќе го следиме во целост шампионатот, па така на денешната прес конференција изјави дека доколку треба трки ќе се возат и за Божиќ, но шампионатот мора да се одржи.