MotoGP

Муџело: Роси: Можеме да се одбраниме

Валентино Роси е убеден дека можат да имаат добра трка и покрај слабостите на Yamaha.

Следете нè на:

 

Валентино Роси е убеден дека можат да имаат добра трка и покрај слабостите на Yamaha.

Веднаш по завршувањето на квалификациите за трката во Муџело минатата година, кога Валентино Роси стана најстариот возач кој успеал да освои пол позиција, еден од неговите механичари изјави:

„Луѓето зборуваат за неговата возраст, колку долго го прави тоа и како се уште има мотивација. Но луѓето забораваат и дека тој едноставно е многу брз. Денеска мотоциклот беше добар, но тој ја направи целата разлика.“

Резултатот кој го постигна 39 годишниот возач од 1 минута и 46.208 секунди беше нов рекорд на патеката во Муџело и покрај поголемата брзина на мотоциклите на Ducati.

Но иако Роси одамна нема стигнато до победа на оваа патека, во изминативе пет години тој постојано се наоѓа на подиумот или се квалификува да стартува од првиот ред.

Rosi txt 30 05

Роси, кој одлучи да настапи се неколку постари делови на неговиот мотоцикл оваа година, е убеден дека може да има добар настап и покрај недостатоците кои ги има Yamaha.

„Мило ми е што ќе настапам на оваа патека. Ова ќе биде специјален викенд и специјална трка за сите Италијански возачи“, вели Роси. „Има одлична атмосфера“.

„Таа е една од најубавите патеки. Навистина ми се допаѓа но морам да признаам дека ќе биде многу тешко бидејќи сите возачи сакаат да стигнат до победа на оваа трка. Мораме да дадеме се од себе за да бидеме компетитивни.“

„Докторот“, во текот на досегашниот дел од сезоната два пати се искачи на подиумот а еднаш стартуваше од првиот ред. Во моментов е на четвртото место на табелата со заостанување од 23 поени зад лидерот Марк Маркез. Местото на подиумот кое го освои минатата година на оваа патека значеше и прекин на серијата од 25 трки без искачување на подиумот. Сепак, на 32 трки по ред, тој нема постигнато победа.

„Валентино е секогаш мотивиран, но оваа трка значи нешто повеќе за него. Ова е негова домашна трка а на последниот настап беше многу блиску до место на подиумот“ , изјави тимскиот директор Масимо Мерегали.

Возачот на Petronas Yamaha, Франко Морбидели е следниот најдобар возач на Yamaha и во моментов се наоѓа на осмото место. Тимскиот колега на Роси, Маверик Вињалес се наоѓа на десетото место во генералниот пласман.

motul makeodnija

Би можело да ве интересира

Викендов се вози 14-та трка од МотоГП шампионатот на патеката Арагон во Шпанија.

Стурџис, мал град во Јужна Дакота, САД, е место за кое најверојатно немате слушнато освен ако не го следите релито “Sturgis Motorcycle”.

Кои возачи можат да му се спротистават на Марк Маркез на трката која овој викенд се вози во Арагон.

Авантуристичките модели во моментов се едни од најпродаваните мотоцикли во светот. Но дали ги знаете најчестите грешки кои ги прават возачите на вакви мотоцикли? Еве како да ги избегнете.

КТМ одлучи веднаш да го замени Јохан Зарко.

Мото клубот Вардар слави 41 година од своето формирање.

Бидете информирани за сите новости директно на вашата е-маил адреса
Реклами

Листа на мото настани

Благодарност!

Ви благодариме за тоа што споделувате содржини и го поддржувате нашиот веб сајт.