MotoGP

MotoGP: Трката во Аргентина останува на истата патека до 2021 година

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Следете нè на:

 

А со оглед на тоа дека голем број на луѓе од цела Јужна Америка пристигнуваа на трката, задоволен од ваквата одлука е и гувернерот на провинцијата, Герардо Замора.

„Задоволни сме што ја продолживме соработката. Dorna повторно инвестираше во нас. Горди сме бидејќи многу страствени луѓе работеа напорно за да се обезбеди ова. Покрај приватните инвестиции работевме и на јавната инфраструктура. Задоволни сме и од тоа дека бројот на фанови на секоја трка се зголемува а тоа има позитивно влијание на економијата како и на целиот регион.Оние кои досега немале можност да дојдат на оваа трка, сега ќе имаат шанса да го направат тоа во следните три години.“

„За прв пат има континуитет бидејќи напорно работевме на ова откако започна целиот проект во 2004 година,“ додаде Карлес Јорба, директор за операции во Dorna. „Ова продолжување на договорот ни овозможува да продолжиме со работата и да му дадеме дополнително значење на Јужно Американскиот пазар кој е навистина важен за MotoGP. Возачите, тимовите и фановите сметаат дека оваа патека е одлична. “

argentina race 2012 1

Постоеа гласини дека MotoGP би можел да се пресели на новата „Villicum “ патека која се наоѓа на југот на државата. Оваа патека во 2018 година за прв пат беше домаќин на трка од Светскиот Супербајк шампионат. Една од најомилените трки во сезоната, „Termas de Rio Hondo “  е исто така доста тешка за тимовите пред се во однос на транспортот и логистиката што пак ги зголеми шпекулациите дека таа ќе се префрли на друга патека.

Оваа трка во последните неколку сезони беше навистина интересна. На една од трките Џек Милер стартуваше од првата позиција а вториот возач зад него беше дури четири реда подолу на патеката. На друга трка, Марк Маркез доби казна бидејќи премногу време се задржа во гаражата а потоа за време на трката тој го истурка Валентино Роси надвор од патеката.

Би можело да ве интересира

Викендов на патеката во Серез, Грција, започнува БМУ Европскиот и Македонскиот шампионат во брзински мотоциклизам.

Стартуваше новата MotoGP сезона. Минатата недела имавме навистина возбудлива трка во Катар. Новата MotoGP трка ни носи и нов Motul Суперфан.

Андреа Довициозо не сака да му посвети големо внимание на резултатот од првите три трки од новата сезона. Од она што можевме да го видиме во Катар, мотоциклите на Ducati беа најбавни во свиоците.

Хорхе Лоренцо верува дека наскоро ќе може да го покаже целосниот потенцијал откако имаше слаб настап за време на дебитанската трка во новиот тим.

Валентино Роси верува дека Suzuki има постигнато најголем напредок за време на зимските тестови.

Шефот на Ducati, Џиџи Дал’Игна ги отфрли обвинувањата дека е нелегален додатокот кој го има на нивниот мотоцикл и ја обвини Honda дека е виновна за целата оваа ситуација.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.