MotoGP

MotoGP: Џиџи: Време е да се преиспита комбинираната тежина на возачот и мотоциклот

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

Следете нè на:

 

Генералниот менаџер на Ducati Corse, Џиџи Дал’Игна, смета дека сега откако од трките се повлече Дани Педроса, треба повторно да се размисли за минималната комбинирана тежина која би можеле да ја имаат возачот и мотоциклот.Во моментов, минималната тежина од 157 килограми се однесува само на мотоциклот а тоа ги приморува возачите да имаат што е можно помала тежина за мотоциклот да има подобри перформанси. Но со оглед на разликата во висината на возачите, секогаш ќе постои и различна тежина. Педроса беше најлесниот возач на патеката со само 51 килограм и висина од 160 сантиметри. Во споредба со него, новиот возач на Ducati, Данило Петручи има 78 килограми а е висок 181 сантиметар. За да се справат со недостатоците кои ги маат повисоките возачи, Moto2 и Moto3 сериите веќе имаат таква комбинирана тежина.Најлесните возачи мораат да стават одредени додатоци на својот мотоцикл со што би се зголемила стабилноста. Но ситуацијата е покомплицирана во MotoGP каде што е потребна поголема сила да се контролира мотоциклот кој има и до 300 коњски сили.

gigi rething weight 2

Иако многумина возачи му завидуваа на Педроса за леснотијата со која забрзуваше при излегување од свиокот, тој мораше да вложи многу поголем напор при сопирање или пак при менување на правецот. „Немав никаква контрола над пневматиците“, изјави Педроса по завршување на квалификациската сесија на влажната патека во Асен во 2017 година. „Денеска мислам дека ниту еден возач нема да се пожали бидејќи сум премногу слаб.“

Алберто Пуиг пак смета дека на Шпанецот ќе му беше многу полесно доколку имаше иста телесна градба како и останатите возачи. „Тој вложува многу поголем напор бидејќи е помал од останатите“, изјави Пуиг. „Ова, според мене, е најтешкото нешто со кое треба да се справи.Но тој покажа добри резултати благодарение на неговата техника и потенцијал. Мислам дека ова е многу импресивно.“

„Возачите сами потврдуваат дека има предности но и недостатоци ако си премногу лесен“,  вели шефот на Yamaha, Лин Џарвис. „Можеби имаш поголема брзина но потешко ти е да се справиш со мотоциклот. Ние имаме двајца возачи кои имаат различна висина и тежина (Валентино Роси е висок 181 сантиметар и тежи 69 килограми а Маверик Вињалес е висок 171 сантиметар и има тежина од 64 килограми). Има предности но и недостатоци. Начинот на кој се справуваат со пневматиците, положбата на возење“, додава Џарвис. „Но мислам дека секој производител лесно може да се прилагоди на тоа. Не верувам дека во MotoGP треба да има комбинирана минимална тежина.“

Сепак Дал’Игна смета дека сега откако Педроса ја напушти серијата,правилото треба да се промени. „Искрено, во минатото беше навистина тешко да се зборува за ова, бидејќи ако имаше вакво правило тоа сигурно најмногу ќе се одрази на Педроса. Но можеби сега е време повторно да се размисли за целата ситуација.“

И покрај различните пневматици кои ги обезбедува Michelin секој викенд, невозможно е сите да бидат задоволни. „Можеби во минатото не беше така, но денеска во MotoGP, со овие пневматици, тежината е еден од проблемите со кои треба да се справиш. Сметам дека ова би био фер правило.“

Петручи пак смета дека во текот на целата зезона, неговата тежина многу малку му помага, можеби во само 20% од случаите. „На некои трки, особено кога е многу топло, имам голем проблем,“ вели Италијанецот. Тој ги започна пред сезонските тестови значително ослабнат поради диетата на која мораше да се подложи. Петручи смета дека тоа е премногу бидејќи сега нема доволно сила да се справи со мотоциклот.

„Минатата година држев диета која ме направи многу слаб на првите тестови, но оваа година сакам да пробам нешто друго за да дојдам на трката во Катар во одлична форма. Мојата цел е да бидам добро спремен и да бидам полесен“,  изјави Петручи пред да започне со зимските тестови.

„Оваа зима ќе работам со Довициозо.Тој следи друга програма која што ќе ја пробам и јас.Тоа е еднственото кое можам да го направам.Имам една шанса да се докажам и ќе го следам неговото искуство.“

Шансата за која зборува Петручи е едно годишниот договор кој го има со тимот на Ducati. А со оглед на тоа дека мали се шансите да има некаква промена во пресрет на следната сезона, тој ќе мора да се избори за продолжување на договоро под условите кои важат во моментов. „Данило имаше одлични трки во минатото и затоа мислам дека тој има голем потенцијал,“ изјави Дал’Игна. Поранешниот возач на тимот, Хорхе Лоренцо е висок 171 сантиметар и тежи 65 килограми додека пак Андреа Довициозо има тежина од 67 килограми.

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.