Сузуки денеска официјално го презентираше Suzuki ECSTAR МотоГП тимот за кој годинава ќе настапуваат Алеш Еспергаро и Маверик Вињалес.

Сузуки денеска официјално го презентираше Suzuki ECSTAR МотоГП тимот за кој годинава ќе настапуваат Алеш Еспергаро и Маверик Вињалес.

Иако тимот од претходно и беше познат на јавноста, на денешната прес конференција беше презентиран новиот главен спонзор, брендот на моторни масла Ecstar чие име е додадено и во името на тимот. Ecstar е моторно масло кое се произведува од 1984 година како оригинален производ на Сузуки.

Освен презентацијата на возачите, боите на моторите и новиот спонзор, од тимот презентираа и парцијални технички карактеристики за GSX-RR. Според нив моторот со зафатнина од 1000цм3 ќе развива повеќе од 230кс податок кој е веќе познат со оглед на тоа што Карел Абрахам во 2012 година објави дека неговото не-фабричко Дукати развива 250кс. GSX-RR е придвижуван од агрегат е со водено ладење, четворотактен линиски мотор со четири цилиндри и DOHC 4-вентили.