На прес конференција во Јапонија, под-претседателот на Јамаха г-н. Такаки Кимура најави дека Валентино Роси и Хорхе Лоренцо оваа сезона во МотоГП шампионатот на своите YZR-M1 ќе го користат новиот „seamless“ менувач.
На прес конференција во Јапонија, под-претседателот на Јамаха г-н. Такаки Кимура најави дека Валентино Роси и Хорхе Лоренцо оваа сезона во МотоГП шампионатот на своите YZR-M1 ќе го користат новиот „seamless“ менувач.
Како што најавија од Јамаха, YZR-M1 2015 ќе носи целосно олеснет менувач кој ќе функционира во двете насоки, при менување на степени нагоре и надолу, нешто што треба да им помогне при кочењето, поминувањето низ кривините како и забрзувањето.
„За време на вториот тест на Сепанг бевме во можност да го тестираме новиот менувач. Сепак за максимално да ги искористиме неговите можности сега треба да работиме на подобрување на шасијата и електрониката. Ќе продолжиме да работиме на подобрување на подесувањата на моторот на следниот тест во Катар, а целта е да забележиме победа на првата трка од сезоната“ - изјави Такаки Кимура на прес конференцијата
За потсетување, следниот и последен тест е закажан на патеката Лосаил во Катар од 13-16 март, а вистинските возбудувања во МотоГП шампионатот започнуваат на 29 март со првата трка на патеката во Катар.