MotoGP

Маркез: Помалку паѓам, а повеќе се спасувам

MotoGP шампионот, Марк Маркез, вели дека шасијата, перформансите на моторот како и поголемата концентрација се главните причини зошто има толку малку инциденти за време на трките.

Следете нè на:

 

MotoGP шампионот, Марк Маркез, вели дека шасијата, перформансите на моторот како и поголемата концентрација се главните причини зошто има толку малку инциденти за време на трките.

Овој период минатата година, MotoGP шампионот Марк Маркез веќе имаше единаесет излетувања надвор од патеката а сезоната ја заврши со дваесет и три вакви инциденти. Оваа бројка е поголема од несреќите кои ги имаа другите возачи. Не треба да се заборави и дека неколку пати успеа чудесно да се спаси. Пред две години Маркез падна дури 27 пати.

Но оваа сезона возачот на Repsol Honda го допре асфалтот само шест пати а сите инциденти се случија за време на првите пет трки од сезоната. Доколку продолжи да вози вака, тогаш ќе ја подобри бројката која ја имаше во сезоната 2014 кога имаше единаесет излетувања.

„Минатата сезона на секоја трка имав различна облека бидејќи паѓав речиси секој викенд“, изјави Маркез по трката во Заксенринг. „Оваа година паднав само на тестот во Мисано. На трка ми се нема случено тоа уште од Ле Ман.“

„Ова е уште една статистика која се обидувам да ја подобрам.“

Оваа сезона видовме како неколку пати успева да се спаси и да не падне а тоа ни кажува дека Шпанецот се уште презема ризици. Но што е променето во споредба со минатата година?

„Мотоциклот на Honda не е лесен за возење а тоа го кажуваат и другите возачи кои го пробале“, изјави Маркез. Тој сепак потенцираше дека шасијата, перформансите на моторот како и поголемата концентрација се клучните разлики во споредба со минатата сезона.

„Се чини дека оваа година главниот момент е околу шасијата. Можеби на некои делови губиме но има делови и каде што добиваме. Исто така и моторот има поголема моќност и тоа ни овозможува да бидеме малку побезбедни во свиоците.“

„Но исто така голема улога има и концентрацијата.  Ако си добро концентириран, тогаш можеш да избегнеш голем број на несреќи.  Оваа година паднав само неколку пати но од друга страна многу пати успеав да се спасам.“

„Ако добро ја погледнете снимката ќе забележите дека овој викенд дури шест пати успеа да се спаси“, изјави возачот на LCR Honda, Кал Кратчлоу. „Доколку бев јас на неговото неговото место или пак некој друг возач, шест пати ќе падневме.“

Marquez txt 19 07

„Вистина е“ ,изјави Маркез. „Само во првиот свиок успеав неколку пати да се спасам, но тоа е така поради концентрацијата.“

„На пример, на тестот во Монтмело, не бев 100 проценти концентриран и загубив контрола над предниот дел. “

„Ова е начинот на кој се вози мотоциклот на Honda и на кој се постигнуваат добри резултати.“

А како актуелниот шампион ја подобри концентрацијата во споредба со претходните сезони?

„Тоа доаѓа со искуството. Но и атмосферата внатре во тимот помага.“

„Не велам дека во претходните години не бев доволно концентриран. Но кога имате поголемо искуство и кога знаете дека за време на тренингот не треба да притискате до максимум, тоа многу помага.“

„Се обидувам да бидам посмирен кога сум на тренинг.“

Предноста од 58 поени која Маркез ја има во однос на возачот на Ducati, Андреа Довициозо, сигурно ќе му помогне и во иднина да остане смирен.

motul makeodnija

Би можело да ве интересира

Вејн Рејни повторно седна на мотоциклот. Овојпат заедно со Кени Робертс и Еди Лосон настапи на патеката во Suzuka, нешто што се нема случено од 1993 година.

Во изминативе две години, BMW тивко работи на мотоцикл кој ќе има електричен погон.

Погледнете како Хамилтон вози со мотоциклот на Роси а Италијанецот настапува со болидот на Mercedes.

HOREX, Германскиот производител на мотоцикли се потпира на лубрикатните на Motul за нивните моќни V6 мотори.

Првиот човек на Yamaha, Лин Џарвис, сака да го задржи Маверик Вињалес во тимот и по завршувањето на сезоната 2020. Ваквата реакција следи откако се појавија гласини дека би можел да премине во Ducati во сезоната 2021.

„Доколку останеше малку подолго мислам дека ќе успееше. Но целосно ја разбирам неговата одлука.“ - Кал Кратчлоу

Бидете информирани за сите новости директно на вашата е-маил адреса
Реклами

Листа на мото настани

Благодарност!

Ви благодариме за тоа што споделувате содржини и го поддржувате нашиот веб сајт.