MotoGP

Ле Ман: „Мотивација, стрес, притисок“- Куартараро ќе настапи на домашната трка

„Ќе има многу мои фанови на Француската Гран При трка и тоа ќе ми даде дополнителна мотивација. Но тоа исто така ќе ми направи дополнителен притисок бидејќи ова е мое домашно Гран При“ – Фабио Куартараро

Следете нè на:

 

Најновата Француска MotoGP ѕвезда, Фабио Куартараро за прв пат ќе почувствува каков е настапот пред домашната публика на трката која овој викенд ќе се вози во Ле Ман.

Најмладиот возач кој усеал да стигне до пол позиција во премиерната класа беше блиску до освојување на место на подиумот но поради проблеми со менувачот мораше предвреме да ја заврши трката во Херез. Тоа за него беше втор проблем, по оној во Катар.

Возачот на Petronas Yamaha го подобри сопствениот рекорд на тестот кој се одржа по завршувањето на трката во Херез. Сега се надева дека ќе има сличен настап како и неговиот сонародник, Јохан Зарко, кој успеа да дојде до својот прв подиумот на трката во Ле Ман која се возеше во 2017 година.

„Од Шпанската Гран При трка можеме да извлечеме само позитивни заклучоци“ , вели Куартараро. „Освоивме пол позиција, се боревме за место на подиумот а во понеделникот бевме најбрзи на тестот.“

„Добро е што одиме во Ле Ман после еден добар викенд каков што имавме во Херез. Тука ќе има многу мои фанови и тоа ќе ми даде дополнителна мотивација. Но исто така тоа ќе ми создаде и дополнителен притисок бидејќи ова е моја домашна Гран При трка.“

„Мислам дека патеката ќе и одговара на Yamaha YZR-M1 бидејќи во изминатиов период тука постигнувавме добри резултати. Ќе дадеме се од себе и ќе продолжиме да работиме исто како и на трката во Херез. Со нетрпение чекам да почне трката.“

Quartararo Txt 15 05 2019

Куартараро, кој е најдобриот возач меѓу дебитантите, ја освои првата пол позиција на трката во Ле Ман во 2015 година. Една година претходно тој стигна до победа за време на CEV. Најдобар резултат отогаш му е шестото место кое го постигна во 2016 година додека беше дел од Moto3 серијата.

Неговиот тимски колега, Франко Морбидели, кој стартуваше веднаш до него во Херез, падна од второто на седмото место. Сепак, и тој имаше добар настап за време на тестот и на крајот се најде на третата позиција.

„Во многу добра форма одиме во Ле Ман. После добриот викенд во Херез, продолживме со развојот на мотоциклот и најдовме некои работи кои можат да ни помогнат на следните трки“, изјави Морбидели кој победи на трката во Ле Ман во 2017 година додека беше дел од Moto2 серијата.

„Таа има многу поинакви карактеристики од Херез. “

„После четири трки се наоѓаме на позицијата на која се надевавме но сакаме уште повеќе да се подобриме. Мислам дека после трката во Херез, шансите да се најдеме на подиумот се многу поголеми. Но се уште не чека многу работа.“

Во моментов, Морбидели се наоѓа на десетото место на табелата додека пак Куартараро е тринаесети.

Би можело да ве интересира

На 28, 29 и 30 Јуни за првпат на овие простори ќе се одржи женски мото камп во близина на градот Салаш, Република Србија. На него е дозволено да учествуваат само девојки. Односно, оние кои возат мотори и оние кои не возат, а ја делат истата пасија со првите.

Валентино Роси вели дека имал многу проблеми на правите делови за време на одржувањето на Француската Гран При трка а неговиот мотоцикл бил многу послаб во споредба со мотоциклите на неговите ривали.

Џек Милер во Шпанија го испроба доминантниот Ducati Panigale V4 R.

Ducati тестираат замена за 959 Panigale и неговиот v-twin мотор.

„Секој викенд учиме нешто ново. Наскоро ќе бидеме подобри“  - Хорхе Лоренцо

Дали би купиле Кинески скутер од Австриска компанија кој го има знакот на Ducati?

Бидете информирани за сите новости директно на вашата е-маил адреса
Реклами

Листа на мото настани

  • 11 Мај 2019 - 11 Мај 2019
  • Фабрика Партизанка - Индустриска зона

  • 01 Јуни 2019 - 01 Јуни 2019
  • Голозинци
  • Велес

  • 02 Јуни 2019 - 02 Јуни 2019
  • Дом на млади
  • Штип

  • 07 Јуни 2019 - 08 Јуни 2019
  • Нов Парк
  • Свети Николе

  • 14 Јуни 2019 - 16 Јуни 2019
  • Кавадарци

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.