MotoGP

Кратчлоу: Дајте му време на Ловс да се докаже

„Сем досега не доби шанса“ –Кал Кратчлоу

Следете нè на:

 

Кал Кратчлоу верува дека дебитантот Сем Ловс треба да добие дополнително време за да може да се докаже во MotoGP. За време на трката во Каталуња, Aprilia ги потврди гласините дека Ловс се соочува со можноста да го загуби своето место во тимот доколку за брзо време не покаже некакво подобрување.

IMGP8218 copy

До почетокот на летната пауза, Англичанецот само еднаш се најде на позиција која носи поени но сепак покажа дека е талентиран за време на втората квалификациска сесија на влажната патека во Асен. Сепак таму тој доживеа механички проблем. Тоа не беше прв пат оваа сезона, а плус поранешниот светски шампион во Суперспорт категоријата настапува на постара верзија на RS-GP во споредба со тимскиот колега, Алеш Еспаргаро.

„Сем досега не доби вистинска шанса, тоа мора да се признае. Повеќе време поминуваше во гаражата отколку на патеката. Со соочи со голем број на механички проблеми на кои тој не може да влијае. Токму поради таа причина сметам дека не успеа да се докаже.“

Дополнителен притисок му прави и поранешниот возач во Moto2, Јохан Зарко, а сега и Јонас Фолгер кои веќе успеаа да се искачат на подиумот со Tech 3 Yamaha додека пак Алекс Ринс успеа да го освои деветото место пред да се повреди.

Но според Кратчлоу, тоа не е фер споредба.

„Јасно ми е од каде доаѓа Aprilia но ако ги гледаат Зарко и Ринс за споредба тогаш прават голема грешка,“ вели Кратчлоу. „Мотоциклот на Зарко е неверојатно лесен за возење. А не можете да претпоставите на која позиција би се нашол тој доколку го ставите на мотоцикл на Aprilia или Honda. Воопшто не би бил близу до позицијата на која се наоѓа сега, во тоа сум сигурен. Немојте да ме разберете погрешно, тој е добар возач.Овие двајца возачи не можат да се споредуваат, а мислам дека на Сем му е потребно само малку време.“

Кратчлоу исто така призна дека и тој се соочувал со слични проблеми кога премина во MotoGP во 2011 година.

„Она што го прави со мотоциклот не е сосема погрешно, но сепак греши. Исто така возев и јас на почетокот, а погледнете сега каде завршив. Бев ужасен, а видете каде сум сега.“

„Првата година имав долги разговори со шефот на Tech 3. Сакав да си заминам и да се вратам во Супербајк шампионатот. Поншарал беше личноста која ми кажа дека ми е потребно само малку време. Следната година на првата трка го освоив четвртото место, а плус и два пати успеав да се искачам на подиумот. “

„Мораш да стекнеш искуство за да се подобриш, но тие дефинитивно мора да му дадат време на Сем. Проблемот е што сега луѓето ги споредуваат новите возачи со Марк кога тој прв пат дојде во шампионатот. Тоа не смеете да го правите. Немате претстава што може Марк да направи со мотоциклот. А исто така не смеете ниту да го споредувате со некој возач кој настапува на друг мотоцикл.“

„Но ако сега го ставите Марк на тој мотоцикл тој сигурно ќе се најде на подиумот. Тоа го гарантирам. А зошто не му извршат притисок на Алеш? Но не сакам да го критикувам него туку тимот.“

„Алеш и Сем се добри возачи и мислам дека и двајцата заслужуваат место во екипата.“

Сепак се чини дека мали се шансите Сем да остане во екипата со оглед на фактот дека неколку возачи признаа дека веќе имале преговори со Aprilia. Шпанецот во моментов е на четиринаесетото место во шампионатот со освоени дваесет и три поени.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.