Triumph ја откри новата генерација на Tiger 1200, која носи значителни подобрувања во перформансите, управливоста, технологијата и пристапноста. Моделот сега располага со унапреден трицилиндричен агрегат со 158 КС и иновативна технологија за автоматско прилагодување на висината на амортизерите.
Новата серија се состои од четири модели: GT Pro, Rally Pro, GT Explorer и Rally Explorer. Сите верзии се опремени со SHOWA EERA HEIGHTFLEX систем за полуактивно потпирање, кој автоматски ја спушта висината на седиштето за 30 mm при запирање, овозможувајќи минимална висина од 790 mm.
Tiger 1200 Rally Explorer 2027
Агрегатот од 1200 кубика сега испорачува 158 КС при 9.250 вртежи во минута, што претставува зголемување од 8 КС во однос на претходната верзија. Подобрувањата на главата на моторот, клиповите, полесните вентили и ревидираните преноси во првите три брзини обезбедуваат подобар вртежен момент на ниски вртежи и попрецизна контрола при бавно возење, со намалување на брзината на ползење за 6 km/h. За подобро маневрирање, мотоциклот користи 19-инчно предно и 17-инчно задно тркало со 200 mm од на амортизерите напред и назад.
Tiger 1200 GT Pro 2027
Технологија и безбедност
Tiger 1200 воведува напреден систем за помош на возачот (ARAS) развиен во соработка со Bosch, кој вклучува преден и заден радар. Овој систем овозможува функции како адаптивен темпомат, предупредување за судир, помош при итно сопирање и следење на мртвиот агол. Поврзувањето е подигнато на ново ниво со 7-инчен Bosch TFT екран на допир, кој поддржува безжичен Apple CarPlay и Android Auto. Операцијата со екранот е ограничена при брзини над 2 km/h, додека за полнење на телефонот е предвиден водоотпорен простор со USB-C приклучок со капацитет од 15W (3A) и систем за ладење. Екранот поседува IP6K9K сертификат за отпорност на прашина и вода.
Tiger 1200 GT Pro 2027
Модели и опрема
Разликата меѓу моделите се сведува на типот на тркала, капацитетот на резервоарот и теренската опрема. Pro моделите имаат резервоар од 20 литри, додека Explorer верзиите доаѓаат со резервоар од 30 литри. GT моделите користат алуминиумски бандажи, додека Rally верзиите се опремени со жичени тркала, Off-road Pro режим на возење и дополнителна заштита. Дополнително, Explorer моделите имаат управувач поставен 10 mm повисоко и 10 mm пошироко. За поголема удобност, седиштата сега имаат 10 mm подебела пена, а сервисирањето е предвидено на секои 16.000 km.
Tiger 1200 Rally Pro 2027
Новиот систем за осветлување вклучува адаптивни LED елементи кои се активираат при наклон од 15 и 30 степени. За патниците, Triumph нуди и нов топ-кејс со капацитет од 58 литри, кој може да собере две кациги, покрај постоечката опција од 42 литри. Првите примероци се очекуваат во салоните во декември 2026 година.
Tiger 1200 Rally Explorer 2027
Коментари