По неколку месечни шпекулации, денеска Јамаха официјално го претстави новиот спортски мотор базиран на MT-07 платформата со име Yamaha R7.
Целта на новиот модел е да ја пополни празнината помеѓу R3 и R1 откако популарната R6 не можеше да ги исполни Еуро 5 стандардите.
Новиот R7 е придвижен од паралелен твин агрегат со зафатнина од 689цц кој го има кај MT-07 моделот. Моторот развива 73кс но за разлика од MT-07 доаѓа со нова електроника, отвори за воздух и издув кои според инженерите на Јамаха ќе овозможат одлично возење на новиот модел.
За да го направат по „жив“ на ниски вртежи моторот доби по краток пренос, а како опција можете да го добиете и со квик шифтер. Разликите од МТ-07 продолжуваат со целосно новите предни вилушки кои се прилагодливи, а главниот кочионен цилендер е на Брембо. Секако тука е и ЛЦД инструмент таблата која вклучува индикатор на брзини и светло за менување на брзините.
Моделот се очекува да започне со продажба во октомври, цената за Македонија се уште не е позната но се очекува да биде пониска од конкурентите имајќи ја во предвид препорачаната цена на светскиот пазар.