Ducati ја претстави Multistrada V4 Pikes Peak за 2027 година, која добива нова графика инспирирана од тркачките DesmosediciGP и Panigale V4 R на фабричките тимови во MotoGP и WorldSBK.
Новата шема на бои е дело на Centro Stile Ducati во соработка со Drudi Performance и е една од новините со кои италијанскиот производител ја одбележува својата стогодишнина.
Иако најголемата промена веднаш се забележува во изгледот, Multistrada V4 Pikes Peak и понатаму останува најспортски ориентираната верзија во семејството Multistrada.
Уште поблиску до фабричките Ducati тркачки мотори
Комбинацијата на бои и графичките елементи директно се инспирирани од Ducati DesmosediciGP и Panigale V4 R, со цел Pikes Peak визуелно уште повеќе да се доближи до фабричките тркачки машини.
Спортскиот изглед го надополнуваат бројни компоненти од карбон, низок затемнет ветробран, златно анодизираните Öhlins вилушки и Ducati Corse ознаката на предниот дел.
Стандардно се вградува и хомологиран Akrapovič титаниумски издув.
Дополнителна можност за сопствениците е програмата Ducati Factory Made, преку која мотоциклот може дополнително да се персонализира уште при нарачката.
Меѓу опциите се црвени ковани тркала, црвени или црни клешти на сопирачките, седишта со различна висина, дополнителни карбонски компоненти, помошни светла и комплет куфери.
170 КС од V4 Granturismo
Во срцето на Multistrada V4 Pikes Peak останува V4 Granturismo агрегатот со зафатнина од 1.158 cc.
Моторот испорачува 170 КС (125 kW) при 10.750 врт./мин. и 123,8 Nm при 9.000 врт./мин.
Една од неговите карактеристики е контра-ротирачкото коленесто вратило, технологија која Ducati ја користи благодарение на искуството стекнато во MotoGP. Со намалување на влијанието на жироскопската инерција на тркалата, ова решение придонесува за полесно и побрзо менување на насоката.
Интервалот за проверка на вентилите е дури 60.000 километри.
17-инчни тркала и Öhlins Smart EC 2.0
За разлика од стандардната Multistrada V4, Pikes Peak е развиена околу предно тркало од 17 инчи, со јасен фокус на спортско возење на асфалт.
Мотоциклот користи петкраки ковани алуминиумски тркала и Pirelli Diablo Rosso IV гуми во димензии:
- 120/70 ZR17 напред
- 190/55 ZR17 назад
Назад останува препознатливата еднострана вилушка.
За суспензијата е задолжен полуактивниот Öhlins Smart EC 2.0 систем со 170 mm од напред и назад, кој користи „event-based“ логика слична на онаа кај Panigale V4 S и Streetfighter V4 S.
Системот ги приспособува поставките во зависност од фазата на возење, како забрзување, сопирање или минување низ свиок, со цел да понуди подобра поддршка при спортско возење, но и доволно удобност на подолги патувања.
Race режим за најспортската Multistrada
Multistrada V4 Pikes Peak располага со пет режими на возење:
Race, Sport, Touring, Urban и Wet.
Race режимот користи поинаква стратегија на ограничувачот на вртежи во однос на стандардната Multistrada V4, додека Ducati Quick Shift Up & Down има посебна калибрација за поагресивно спуштање на брзини.
Во High Power режимот и реакцијата на гаста е подиректна.
Спортската поставеност се гледа и во ергономијата. Фусастерите се поставени повисоко и наназад, со што се овозможува поголем агол на навалување, додека управувачот е понизок, потесен и порамно поставен во споредба со стандардната Multistrada V4.
Радари напред и назад
Pikes Peak го наследува богатиот електронски пакет од Multistrada V4 S.
Стандардно има преден и заден радар, со што се овозможени Adaptive Cruise Control (ACC) и Blind Spot Detection (BSD), а тука е и системот Forward Collision Warning.
Во електронскиот пакет се вклучени и Ducati Traction Control, Ducati Wheelie Control, Engine Brake Control, Vehicle Hold Control, Ducati Brake Light EVO и Bosch IMU.
Системот за сопирање користи два предни диска со дијаметар од 330 mm и Brembo Stylema радијални клешти, додека назад има диск од 280 mm.
Возачот добива и 6,5-инчен TFT дисплеј со Ducati Connect, преку кој се достапни телефонски функции, музика и навигација.
Главна стандардна опрема
- 1.158 cc Ducati V4 Granturismo
- 170 КС при 10.750 врт./мин.
- 123,8 Nm при 9.000 врт./мин.
- Extended Cylinder Deactivation
- Алуминиумска monocoque рамка
- Алуминиумска еднострана задна вилушка
- Öhlins Smart EC 2.0 полуактивна суспензија
- 170 mm од на суспензијата напред и назад
- 17-инчни ковани алуминиумски тркала
- Pirelli Diablo Rosso IV гуми
- Bosch-Brembo Cornering ABS
- Brembo Stylema предни клешти
- Full-LED светла со Ducati Cornering Lights
- 6,5-инчен TFT дисплеј
- Bosch IMU
- 5 режими на возење
- Ducati Traction Control
- Ducati Wheelie Control
- Engine Brake Control
- Ducati Quick Shift Up & Down
- Cruise Control
- Vehicle Hold Control
- Ducati Brake Light EVO
- Карбонски преден калник
- Карбонски преден дел
- Хомологиран Akrapovič издув
Веќе достапна во Европа
Ducati Multistrada V4 Pikes Peak 2027 веќе е достапна кај европските дилери и може да се конфигурира преку официјалната веб-страница на Ducati.
Со новата графика Ducati не ја менува суштината на Pikes Peak, туку уште повеќе го нагласува нејзиниот спортски карактер – комбинација од удобноста и практичноста на Multistrada со технологија и детали инспирирани од спортските модели од Borgo Panigale.
Коментари