MK мотоциклисти на меѓународни трки

Мотокрос: Започнува походот на Источно Европскиот шампионат

Пет возачи од Македонија, еден Црногорец и еден Грк ќе ја претставуваат Македонија на првата трка од Источно Европскиот шампионат во мотокрос која викендов се вози на патеката Серес во Грција.

Следете нè на:

 

start-na-sezonaСе е подготвено за почетокот на новата сезона во мотокрос

Пет возачи од Македонија, еден Црногорец и еден Грк ќе ја претставуваат Македонија на првата трка од Источно Европскиот шампионат во мотокрос која викендов се вози на патеката Серес во Грција.

Иако за кросистите нема зима, сепак официјалната зимска пауза веќе е завршена и време е за почеток на трките од Источно Европскиот шампионат. Првата трка од вкупно 12 колку што се закажани во календарот се вози викендов на патеката Серес во Грција. Патеката е релативно нова, минатата година според нашите информации се одржа само една трка од Грчкото првенство на оваа патека, па ќе биде интересно да се следи трка на која до сега не настапиле сите возачи.

МФМ на оваа трка ќе има 7 претставници од кои 5 се македонски возачи, а оваа година ќе имаме прилика да следиме и возачи од соседните земји кои ќе настапат со македонска лиценца. Младиот Црногорец Виктор Иванович ќе не претставува во класата МХ2, а гркот Петрос Танусис ќе не претставува во класата МХ3.

viktor-ivanovicВиктор Иванович ќе не претставува во класата МХ2

Во класата МХ2 друштво ќе му прави и нашиот Христијан Станкович кој од оваа сезона ќе се натпреварува во оваа класа.

hristian-stankovic-novХристиан Станкович со својот нов мотоцикл со кој ќе настапува во МХ2 класата

Во класата МХ3 ќе имаме двајца претставници, Борче Костов - Жолт и Гркот Петрос Танусис.

Motokros-Smolevo-2011-86Борче Костов - Жолт

petros-tanusisПетрос Танусис со македонска лиценца ќе настапува во МХ3

Во најмалата класа ќе вози талентираниот Андриан Ристевски од кој се очекува солиден резултат.

adrijan-ristevski-novaАдријан Ристевски ќе не претставува во класата МХ85

За крај и најсилната класа, МХ1 во која имаме двајца претставници, Гоце Томовски и Христијан Илиоски. Двајцата веќе се појавија на подготвителната трка која изминатиот викенд се возеше на патеката Каротица во Грција и се надеваме дека на оваа трка ќе блеснат во вистинско светло и ќе се борат за највисокото место на пиедесталот.

kiko-novaХристијан Илиоски се враќа на патеките во класата МХ1

tomovski-novaГоце Томовски како и до сега ќе настапува во класата МХ1

Да не се залажуваме, далеку од тоа дека ова ќе биде лесна трка, додека останатите возачи и тимови имаат солидни подготовки, нашите едвај крпат крај со крај. Финансиите како и до сега се главниот проблем па честопати иако располагаме со фантастично добри возачи не го добиваме заслуженото место на пиедесталот.

Апелираме до сите компании кои се во можност да ги помогнат нашите натпреварувачи да го сторат тоа, спонзорството колку и да се чини мало за нашите возачи значи многу.

Годинава во ИЕШ за мотокрос се закажани дури 12 трки од кои првата се вози на 23-ти март на патеката Серес во Грција. Според провизорниот календар во Македонија треба се возат две трки, едната во Гевгелија на 6-ти април, а втората на новата патека во Прилеп на 21-ви септември. Предвидени се трки и во Турција, Романија, Бугарија, Србија, Босна и Херцеговина и Молдавија.

Во понеделник ќе бидат објавени резултатите и галерија од трката на која ќе присуствува и нашата екипа.

 

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.