MK мотоциклисти на меѓународни трки

МХ Глобаре: Успешен настап на нашите претставници

Претставниците на МФМА имаа успешен настап на четвртата рунда од Источно Европскиот шампионат во мотокрос која викендов се возеше на патеката Глобаре во Урошевац (Србија).

Следете нè на:

 

kiko vtor globareВторо место за Илиоски во Србија

Претставниците на МФМА имаа успешен настап на четвртата рунда од Источно Европскиот шампионат во мотокрос која викендов се возеше на патеката Глобаре во Урошевац (Србија).

Во најсилната класа МХ1 нашиот најдобар натпреварувач Христијан Илиоски забележа една победа и едно второ место и на крајот се врати во Македонија со пехарот за вкупното второ место. Илиоски прикажа одлично возење во првата трка, стартуваше прв но заради побавниот мотор веќе во првата кривина го загуби водството. Неговото одлично возење допринесе за тоа уште во првиот круг да ја врати водечката позиција која не ја загуби до крајот на трката и со предност поголема од 10 секунди заврши како победник. На втората трка за жал стартуваше слабо, по целта беше третопласиран но за кратко време успеа да дојде до втората позиција, а потоа и да се залепи до водечкиот Тотев од Бугарија. Во моментото кога беа еден до друг Кико доживеа пад па на крајот мораше да се задоволи со втората позиција.

mxglobare 1 2015 40Илиоски во свој елемент, ја забавуваше публиката и возеше фантастично

Нашиот втор возач во оваа класа Гоце Томовски прокнижа нови бодови откако забележа една шеста и една седма позиција. Томовски немаше најдобар старт на трките па иако сме навикнати да го гледаме во предниот дел од колоната по стартот во Глобаре тој се бореше со конкуренцијата да дојде до местата кои ги освои. Томовски повторно покажа дека е еден од физички нај подготвените возачи во оваа класа.

mxglobare 3 2015 88Солиден настап на Томовски на Глобаре

Во класата МХ и МХ Ветерани имавме двајца претставници, Борче Костов и Јован Стојков. Борче Костов во тешката конкуренција успеа да прокнижи нови 25 бодови на своето конто откако заврши на 8-та и 9-та позиција во класата МХ Ветерани. Тој се бодува и за класата МХ но за него приоритет е класата МХ Ветерани во која минатата година го освои третото место во генералниот пласман. По овие две трки тој е на добар пат да се доближи до третата позиција имајќи ги во предвид преостанатите трки од шампионатот.

mxglobare 3 2015 37Борче Костов со нови 25 бода на своето конто

Јован Стојков едноставно немаше среќа на трките во Глобаре. Стојков стартуваше одлично во првата трка, успеа да помине многу возачи но пред крајот на првиот круг по вина на друг возач излета од стазата и за него трката беше завршена. Помина со мала повреда на раката и оштетен мотор но тоа не беше пречка да вози и на втората трка. Во неделата повторно среќата му го сврте грбот откако со дупната гума заврши на 22-та позиција во конкуренција на 27 возачи.

mxglobare 3 2015 40Јован Стојков немаше среќа но прикажа одлично возење

Според календарот на трки преостануваат уште три рунди за возење, но неизвесна е трката во Македонија за која сеуште нема закажан датум.

МОТОКРОС
# Датум Патека Земја
Рунда 1 05 април 2015 Јаница Грција
Рунда 2 12 април 2015 Гевгелија Македонија (ОДЛОЖЕНА)
Рунда 3 26 април 2015 Бурса Турција
Рунда 4 07 јуни 2015 Крешево Босна и Херцеговина
Рунда 5 28 јуни 2015 Глобаре Србија
Рунда 6 30 август 2015 Самоков Бугарија
Рунда 7 04 октомври 2015 Тројан Бугарија

Би можело да ве интересира

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Не е необично кога одредена компанија со цел да привлече што е можно поголемо внимание, одлучува за време на некое мото шоу да претстави мотоцикл кој се базира на некој иден модел. Но R18 "Departed" кој го видовме за време на мото шоуто во Јокохама има уникатен 1800cc мотор.

„После 20 години прекинува прозиводството на големиот мотоцикл на Suzuki“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.