MK мотоциклисти на меѓународни трки

Кико незапирлив во Бугарија

Христијан Илиоски беше нашиот нај успешен натпреварувач на петтата рунда од Источно Европскиот шампионат во мотокрос која викендов се оддржа на патеката Самоков во Бугарија.

Следете нè на:

 

mx samokovl 2015 2 78Илиоски доминираше на двете трки во Самоков

Христијан Илиоски беше нашиот нај успешен натпреварувач на петтата рунда од Источно Европскиот шампионат во мотокрос која викендов се оддржа на патеката Самоков во Бугарија.

Кико како подготовка пред трката во Бугарија настапи на првата трка за 2015 која се возеше во Куманово, од каде директно замина за Самоков. По победата во Македонија, следуваше победа и на Гранд При Бугарија каде Илиоски беше доминантен во двете трки.

На одличната патека во Самоков Илиоски едноставно немаше конкуренција, иако во моментов се наоѓа на втората позиција во генералниот пласман зад Бугаринот Тодор Тотев, тој покажа дека е шампионски возач. Илиоски не настапи на првата рунда од шампионатот заради немањето мотоцикл, драгоцените бодови кои ги загуби тогаш сега се одразуваат на неговиот пласман па така тој заостанува 38 бодови зад Тотев.

Успехот на Кико се наѕираше уште во саботата кога на квалификациите имаше повеќе од 3 секунди предност пред Тотев. На првиот настап Илиоски извозе соло трка во која беше прв од стартот до финишот, без притоа да биде попречен од конкуренцијата на 18 возачи колку што имаше во неговата класа. Првата трка ја заврши пред Тодор Тотев и Николај Јовчев, исто како и втората во која имаше мали промени во текот на возењето. Тој ја загуби водечката позиција само на првиот свиок од Николај Јовчев, но веќе во вториот се врати на чело на колоната и до крајот само ја зголемуваше предноста пред конкурентите. Во текот на втората трка Јовчев во еден момент дури и го пропушти Тотев да вози пред него но Илиоски веќе имаше недостижна предност за Бугарскиот возач.

До крајот на шампионатот потврдена е само уште трката на патеката Тројан во Бугарија, а трката која требаше да се вози во Гевгелија и беше одложена заради поплавите по се изгледа нема да се вози.

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.