Корисни текстови

Совети за возење мотоцикл на жешко време

Доколку планирате да го возите својот мотоцикл на пеколните температури, во продолжение ќе најдете неколку совети кои ќе ви помогнат да го направите возењето доволно добро да се нарече возење, а не мачење.

Следете нè на:

 

motor zesko vremeСовети за возење мотоцикл на жешко време

Жештината е најголем непријател на моторџиите во летно време, температурата на асвалтот е толку висока што гумите се топат, а сонцето немилосрдно ве пече од горе. Знаете дека е потребно да ја носите заштитната опрема, но истовремено не ви се помислува да влезете во комбинизон на +40 степени. Затоа е потребно да се направи компромис, да се искористат советите од оние по искусните кои пронашле начин да си го олеснат возењето на жешко време.

Вода

Водата е приоритет број еден при летните вожњи. Водата е витална за да ја одржи температурата на вашето тело, но и неопходна за испуштање на токсините од телото. Затоа кога ќе дехидрирате вашето тело не работи како што треба и за кратко време ќе доживеете физички крах. Најлошата работа е што во моментот кога ќе почнете да се чувствувате лошо веќе е доцна, па затоа е навистина важно да останете хидрирани. Пијте многу вода пред да се качите на моторот и по еден литар вода на секој час додека возите. Доколку возите туринг мотор понесете повеќе вода во торбите, доколку сте со брзинец или нејкед купете си резервоар за вода кој ќе го собере во вашиот ранец. Препорачливи се и меките резервоари со цевка преку која можете да пиете вода и додека возите, можат да се најдат по интернет продавниците за цена од 20-30 евра.

Планирање на рутата

За вожњите низ Македонија иако немаме којзнае колкаво планирање, во зависност од тоа дали ќе возите низ источниот или западниот дел на земјата, сепак постојат патишта кои ќе ви го олеснат возењето. Олеснувањето е во вид на сенки и висинска разлика, а со самото тоа и намалувањето на температурата во однос на возењето по автопат. Користејќи ги алтернативните рути ќе поминете повеќе километри но ќе уживате во глетката и ќе го намалите ризикот од топлотен удар. Внимавајте при планирањето на патот да имате бензиски пумпи и места за застанување на блиско растојание за да не се доведете во непотребен ризик. Секако доколку сте во можност одберете да патувата рано наутро или доцна попладне, избегнувајте да возите на пладне кога сонцето е нај високо и најмногу пече.

Опрема

Заштитната опрема која не смеете да ја оставите при патувањето (иако не ви се ни помислува на неа) можете да направите да ви биде удобна за носење. За летните возења потребно е да се облечете правилно и да ја покриете кожата. Звучи лесно и едноставно но всушност претставува проблем. Делот од телото кое нема да биде покриено ќе се суши побрзо, а со самото тоа ќе придонесе и за дехидрација. Во летно време потребно е да бидете целосно облечени и да се погрижите да не возите по кратки ракави. Јакната може да биде со проток на воздух, исто и панталоните или пак комбинизонот, но облеката е задолжителна, не само што ќе ве заштити при евентуален пад, таа му помага на телото да остане хидрирано. Опрема од материјал кој „диши“ има во скоро секоја продавница, од ракавици до чизми, не штедете пари кога се работи за вашето здравје.

Елек кој лади

Парче од опремата за кое нема да зажалите доколку одвоите пари. Се потопува во вода, потоа се цеди и се облекува под јакната. Ова е најблиску до клима на мотоцикл. Елечето е направено од таков материјал кој ја задржува водата и притоа држи ладно за целото време на возењето, а најдобро е кога се носи во комбинација со јакна која пропушта воздух. Иако не е достапно во нашите продавници за мото опрема, може да се најде на интернет за цена од 30 до 100 евра, во зависност од квалитетот, а во Луис може да се најде одлично елече за цена од 70 евра.

Се надеваме дека советите ќе ги најдете како корисни, доколку имате било какво прашање не се колебајте да ни пишете во коментар или на нашата Оваа е-адреса е заштитена од спамботови. Треба да ви е овозможено JavaScript за да ја видите..

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.