Корисни текстови

Отстранување на кацига при сообраќајна незгода

Во продолжение ќе прочитате како правилно се вади кацига од глава на мотоциклист повреден во сообраќајна незгода.

Следете нè на:

 

vadenje kaciga motociklistЗа да помогнете потребно е да знаете како правилно се вади кацигата

Заштитната кацига се вади само кога повредениот:

  • е во бесознание
  • повраќа
  • не дише и е потребно да се применат мерки за оживување
  • постои надворешно крварење или тешки повреди на главата.

Невнимателно вадење на заштитната кацига е многу опасно, бидејќи повредите на главата многу често се пропратени со повреди на вратиот 'рбет.

При вадење на кацига потребна е помош од друго лице.

  1. Ако повредениот е во бесознание, првиот спасител клечи зад главата на повредениот и со двете раце ги држи долната ивица на кацигата и долната вилица, со цел стабилизирање на положбата на главата.
  2. Вториот спасител стои странично на колена и го отвора визуелниот дел на кацигата (прозорчето) и го откопчува каишот на кацигата.
  3. Потоа вториот спасител ја прифаќа главата и вратот на повредениот, со цел кога првиот спасител ќе ја повлече и извлече кацигата, главата на повредениот да не падне директно на подот.
  4. Откако првиот спасител ќе ја извади кацигата со влечење кон нагоре, тој ја држи главата на повредениот и вратот во стабилна положба (дланките се поставени преку ушите), се додека вториот спасител го заврти повреденениот во странична положба.
  5. Потоа во повеќе наврати се проверуваат виталните функции (свест, дишење, работа на срце).
  6. Повредениот треба да се покрие со ќебе и што е можно побрзо да се повика Итна Медицинска Помош.

Референца: Прва Помош, Црвен Крст На Република Македонија, прирачник за возачи, секција 5.5 стр. 15

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.