Корисни текстови

Погледни два пати, спаси живот? Ма немој да ме је*еш бре.

Коментар за она што требаше да биде достоинствен протест за подигнување на свеста кај останатите учесници во сообраќајот за мотоциклистите.

Следете нè на:

Коментар за она што требаше да биде достоинствен протест за подигнување на свеста кај останатите учесници во сообраќајот за мотоциклистите.

Пред се би сакал да упатам благодарност до МФМ, до сите клубови и до сите поединци кои ја поддржаа акцијата. Одзивот беше одличен, поголем од очекуваното, и навистина сум среќен за реализираниот настан. Она за што жалам е дека и покрај сите апели и повици за начинот на возење, едноставно некои луѓе не сакаат да разберат што се трудиме да постигнеме. Толку ли беше тешко да се запомни „возење во една лента, по двајца во колона, без брзање, нема потреба од претекнување, да направиме што е можно поголема колона и достоинствено да покажеме дека сме присутни во сообраќајот“?

DSC 0928Ех да беше се убаво како сликава...

Во јавноста ние сме тие кривите, ние сме оние што „треба да се утепаат“. Тоа е така затоа што мала група на возачи ги малтретираат жителите на градот, од турирање под прозор во 2 ноќе, до возење со 200 по партизанска. Дечки и девојки, не е 63-та, 2018-та година сме, многу одамна секаде во Светот помина времето на глумење лудило со моторите. Дајте да не бидеме индијанци, возете прописно, почитувајте ги правилата и прописите ако сакате да Ве почитуваат и вас. Супер е тоа што бараме поголема свесност кај останатите учесници, затоа што да, има такви кретени од возачи за кои било каква казна е мала, освен стрпување во затвор. Но ајде да почнеме од самите себе си, од блиските наши, да им кажеме дека ова вака веќе не иде!

Под секој текст за настрадан моторџија пола од коментарите се дека така му требало и дека моторџиите се криви, иако во најголем дел од случаите ние сме оние кои страдаат заради невнимание на останатите учесници во сообраќајот. За да го промениме јавното мислење не е доволно само да се расправаме по коментари кој е во право, а кој не е. Знам дека имате брзи мотори, дека пола град е Роси или Маркез, ама има каде треба да се покаже тоа. Во Македонија наскоро ќе започне изградба на тркачка патека, верувале или не, ќе имаме две стази, една во Скопје и една во Кавадарци. Во меѓувреме ете каде е Серез, 300км од Скопје, таму можете да покажете се што знаете. Ако е далеку и трошок, правете вожњи надвор од урбаните средини, уживајте си и оставете го градот убав да живее.

За крај, се надевам дека настанот ќе прерасне во традиција, со променет датум, порано од сегашниот, да биде на еден начин отворање на мото сезоната, ставање до знаење на сите учесници во сообраќајот да внимаваат повеќе, да погледнат два пати, да спасат живот. Настан кој во иднина би требало да се одржува во ист ден со почеток во исто време во секој град во Македонија. Се надевам и дека ова е прва и последна година на која имавме пример како не треба да се однесуваме во сообраќајот.

Благоја Мартиновски
уредник на мотори.ком.мк

motul makeodnija

Би можело да ве интересира

Трката која требаше да се вози на 7-ми јуни на патеката Орман крај Скопје се одложува до следниот викенд, односно 14-ти јуни.

Уште една трка помалку во календарот за 2020, со денешната одлука на Дорна, и трката во Јапонија се откажува во целост.

Со денешната одлука на Дорна откажани се трките во Британија (Силверстоун) и Австралија (Филип Ајленд).

Официјално денеска беше ставен потпис на договор со кој Џек Милер ќе биде еден од возачите за фабричкиот тим на Дукати во 2021 со можност договорот да се продолжи на уште една година.

Според зборовите на неговиот менаџер, легендариот Кенан Софуоглу, за Топрак веќе постои интерес од МотоГП тимовите.

По изјавата на шефот на Петронас тимот, дека Роси е жива легенда но тој не би сакал да дојде во тимот само за да се збогува со МотоГП, „Докторот“ денеска даде свое видување на ситуацијата.

Реклами

Благодарност!

Ви благодариме за тоа што споделувате содржини и го поддржувате нашиот веб сајт.