Корисни текстови

10 заповеди од македонските огласи за мотори

Македонските огласи за мотори се полни со забавни огласи. Секој го цени своето, а туѓото го плука, па така после неколку дена разгледување дојдовме до следниот заклучок:

Следете нè на:

 

Македонските огласи за мотори се полни со забавни огласи. Секој го цени своето, а туѓото го плука, па така после неколку дена разгледување дојдовме до следниот заклучок:

cena oglasi fb

1. Моторот не смееш да го фарбаш. Ако го исфарбаш сигурно е тумбан, згмечен меѓу два шлепери или поминат од воз. Зошто иначе би го фарбал? Боже сачувај да ти се свиѓа друга боја освен таа што му ја дале од фабрика.

2. Моторот е фарбан пошто бил направен салата. Си ги исфарбал пластиките ама не ти стигнале пари за капачињата на машината. Пишуваш дека се изгребани од што го лежиш по кривини.

3. Ако купиш егзотика од мотор можеш да го продадеш за максимум 4.000 евра иако е 3-4 години стар и има поминато 3000 км. Што знаат Италијани што е мотор.

4. Ако имаш Јапонец стар 19 години можеш да го ставиш во оглас 5.000 евра. Пошто нели сега му направи сервис, не е паѓан и е најбрз. А и брчи страшно.

5. Цената никако не се пишува на огласот. На секој коментар „Cena?“ одговараш со „inbox“.

6. Кога гледаш оглас и цената е пишана во полето за цена, во насловот и во описот на огласот, ти му коментираш „Cena?“, пошто може има згрешено на сите три места и ќе ја каже вистинската цена.

7. Ако пишува во описот дека продавачот не е заинтересиран за замена, обавезно му нудиш нешто за замена. По можност кола што не се продава во Македонија: Караван, Џип од 5000 кубика, кабриолет со расипан кров, бензинец што лапа 16 литри у место, пак караван. Може ќе се предомисли.

8. Мотор од 2007-ма година е нов мотор. Ако е стар 10 години, тебе ти е нов и нема што тука да се објаснуваш. Пиши го 10.000 евра.

9. Клучни зборови што треба да ги ставиш во насловот за да ја зголемиш цената: „za americki pazar!!!“, „UNIKAT“, „extra cena !“, PERFEKCIJA“, „Kako od salon“, „ODLICEN!“, „Spremen Za Sezona“.

10. Ако моторот е на Бугарски таблици, обавезно во огласот објаснуваш дека тој што ќе го купи лесно може да си го префрли на Македонски. Не пишуваш дека ќе му требаат уште 3.000 евра.

Би можело да ве интересира

Алваро Баутиста продолжува со перфектниот старт на новата сезона и стигна до нов хет трик од победи.

FIM потврди дека жалбата која тимовите ја поднесоа против Ducati ќе биде разгледана од страна на Апелацискиот суд надлежен за MotoGP а сослушувањето треба да се одржи овој месец.

Алваро Баутиста го претекна Џонатан Реа и се најде на првото место по завршувањето на слободниот тренинг во Тајланд. Двајцата возачи постојано го подобруваа своето време.

Тимскиот менаџер на Suzuki, Давиде Бривио, тврди дека новиот уред на мотоциклот на Ducati има врска со аеродинамиката. Вели дека Suzuki поднесе жалба со цел засекогаш да се реши проблемот.

Првата трка од новиот MotoE шампионат, која требаше да се вози во Херез на почетокот на мај, можеби нема да се одржи.

Сега имате можност да станете сопственик на уникатна машина.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.