Заврши вториот и последен ден тестирање за тимовите од WSBK серијата. Иако имињата на возачите кои се најдоа на врвот се познати, распоредот на останатите возачи е различен во споредба со вчера.

Заврши вториот и последен ден тестирање за тимовите од WSBK серијата. Иако имињата на возачите кои се најдоа на врвот се познати, распоредот на останатите возачи е различен во споредба со вчера.

Џонатан Реа се уште е најбрз. Актуелниот светски шампион беше за десетинка побрз од останатите возачи на патеката и беше само еден од двајцата возачи кои имаа време помало од 1.40.

Но зад возачот на Kawasaki не се најде неговиот тимски колега Том Сајкс туку возачот на Milwaukee Aprilia, Лоренцо Савадори. Италијанецот имаше извонреден настап и на крајот се најде меѓу двата мотоцикли на Kawasaki.

Том Сајкс го заврши денот на третото место со заостанување од четири десетинки зад Реа. И двата возачи на Kawasaki паднаа во текот на денот но тие не беа единствените на кои им се случи тоа. Истиот проблем го имаа и возачите на Althea BMW, Жорди Торес и Марко Факани кои се здобија со повреди на рамото.

Двајца возачи на Ducati, Марко Меландри и Чез Дејвис се најдоа веднаш зад Сајкс. Ники Хејдн исто така имаше добар настап со Honda CBR1000RR и на крајот заврши со заостанување од само три – четвртини зад времето на Реа. На седмото место се најде Алекс Ловс од Pata Yamaha.

Зулфами Карудин повторно беше најбрз од Суперспорт возачите. На крајот тој заврши со голема предност пред Жил Клузел. Микеле Риналди на крајот имаше предност од три –десетинки пред Мајк Џонс.

Следниот тест ќе се оддржи во Портимао.