WSBK

WSBK тест во Portimao, уште една паралела со MotoGP

Додека денес започнува вториот тест на MotoGP во Индонезија, ние “фрламе” поглед на тестирањето на WSBK во Португалија.  

Test Feb Portimao Action

По постигнувањето на неверојатно брзите кругови на ланските главни протагонисти во супербајк, Rea и шампионот Razgatlıoğlu, можеме да заклучиме дека ќе гледаме уште една неверојатна сезона, но и дека овие мотоцикли опасно се приближуваат на времињата на далеку поскапите прототипи од MotoGP. 

Најдоброто време на крај од тестирањето постигнато од Турчинот беше 1’39.616s, додека пак Rea заостануваше за 0.235s со конечно време од 1’39.851s!? Ако ги споредиме со времињата од минатогодишната трка во MotoGP на истата патека, каде најбрзиот круг во трка беше 1'39.450s постигнат на Suzuki од страна на Alex Rins, додека стартната позиција ја освои Quartararo со време од 1'38.862s, тогаш можеме да заклучиме.....? Што можеме да заклучиме? Споредување на баби и жаби е муабет за пред кооперација, или Facebook, во модерно време. 

Покрај различните временски услови во кои се постигнати резултатите, дефинитивно најголем проблем за споредба на двата шампионата се гумите, односно различниот формат на тркачкиот викенд за кој се и креирани пневматиците. И секако различните производители, Pirelli кај WSBK односно Michelin кај MotoGP придонесуваат дополнително за додавање на непознати во равенката.

Не се лутиме ако се израмнат двете категории според перформансите, па и нека направат и еден суперкуп за крај на сезоната, гледано спортски и маркетиншки, во кој ќе се натпреваруваат најдобрите 10 од двете страни? 

Ова ќе остане неостварен сон, но факт е дека двата шампионата се приближуваат, што пак на нас ни дава уште поголема можност за уживање во трките, а на возачите ќе им овозможат полесен преод од еден во друг шампионат.

Денес започнува вториот тест во MotoGP на патеката Mandalika, на која рекордот го држи повторно Toprak со време од 1:34.288s. Да видиме какви времиња ќе постигнат прототипите?

Временските услови се фактор на константно изненадување во Индонезија, па ќе биде интересно кој како ќе се снајде.

Од последната трка во WSBK во Индонезија.

Би можело да ве интересира

Со воведување на CE 04, електричниот макси скутер, на почетокот на оваа година BMW јасно стави до знаење дека во блиска идиниа може да очекуваме многу повеќе од германците во овој сегмент. 

Почитувани љубители на мотоциклистичката култура,

Со особена чест Ве покануваме да бидете дел од првата манифестација CRUISE CULT – The Art of the motorcycle 2022, која ќе се оддржи во сабота 25.06.2022 год., во период од 12.00 ч. – 17.00 ч. во Парк на Франкофонија - Скопје.

Трките беа далеку од досадни и неинтересни во трите класи, во кои жештината и конфигурација на патеката, прописно ги истоштија натреварувачите.

Кој каде ќе оди во следната сезона на MotoGP, и зошто. 

Иако викендов во Мизано ја видовме првата победа на актуелниот шампион, сепак титулата е далеку од одбранета.

Од оваа недела CFMoto станува достапен на три нови локации во државата. 

Листа на мото настани

Чопер клуб го најави Run to the Sun 2022.

  • 24 Јуни 2022 - 25 Јуни 2022
  • Clubhouse 3313
  • Илинденска 138, Скопје

Ноќни Волци Балкан: Интернационален мото собир.

  • 09 Јули 2022 - 09 Јули 2022

Најава за мото собирот на МК ЏИНКА Радовиш кој ќе се оддржи на 29/30/31 јули 2022 година. Повеќе детали наскоро.

  • 29 Јули 2022 - 31 Јули 2022
  • Клубски дом
  • Планина Плачковица

Дводневен мото фестивал во организација на МК Тиквеш Рајдерс од Кавадарци.

  • 17 Јуни 2022 - 18 Јуни 2022
  • 12 Другари
  • Ваташа, Кавадарци

Благодарност!

Ви благодариме за тоа што споделувате содржини и го поддржувате нашиот веб сајт.