WSBK

WSBK: Двојна победа на Ван дер Марк на патеката во Донингтон

Михаел ван дер Марк имаше целосна контрола на трката во Донингтон Парк и на крајот успеа да стигне до двојна победа. Возачот на Puccetti Kawasaki, Топрак Разгатлиоглу беше втор, а Светскиот шампион, Џонатан Реа заврши на третото место.

Следете нè на:

 

Лоренцо Савадори успеа да се пробие на лидерската позиција на почетокот на трката но за кратко време беше претекнат од Алекс Ловс кој трката ја стартуваше од пол позицијата.

Британцот беше во водство поголем дел од трката но постепено му се приближуваа неговиот тимски колега ван дер Марк и Џонатан Реа.

После неколку обиди, Реа успеа да го претекне и да избие на првата позиција. Ловс веднаш после тоа беше претекнат и од ван дер Марк кој веќе кај свиокот Melbourne успеа да го претекне Реа и да избие на челната позиција.

vdmstory

Холанѓанецот успеа да направи предност во однос на Реа кој пак сега се соочуваше со притисок од страна на Топрак Разгатлиоглу.

Возачот на Kawasaki успеа да го претекне Реа во претпоследниот круг од трката и на крајот заврши на второто место со предност од 0.2 секунди.

Ловс, иако во поголемиот дел од трката беше во водство на крајот сепак заврши на четвртата позиција додека пак Чез Дејвис беше петти. Неговиот тим, Aruba Ducati имаше уште еден тежок викенд.

Поранешниот победник Том Сајкс заврши на разочарувачкото шестто место додека пак веднаш зад него беше возачот на Aprilia, Лоренцо Савадори.

Леон Камиер целната линија ја помина на осмата позиција и на крајот се најде пред Жорди Торес и Лорис Баз кои ги заокружија првите десет места.

Во моментов, Реа се наоѓа на првото место во генералниот пласман со предност од 64 поени во однос на Чез Дејвис кој е на втората позиција. Со оваа двојна победа, ван дер Марк изби на третата позиција на табелата.

Би можело да ве интересира

Yamaha YZF-R1 GYTR е навистина специјална машина и поради таа причина од неа ќе бидат произведени само 20 примероци.

Дебитантот во MotoGP, Мигел Оливеира имаше чест прв да вози низ новиот, 8.3 километри долг тунел кој ги поврзува Грац и Шпилберг – местото каде што се наоѓа Red Bull Ring.

Дохан зборува за Маркез, дали КТМ е подготвен да одговори на барањата на своите нови возачи, Џиџи Дал’Игна во однос на правилата за тежина, Мигел Оливеира кој со RC16 помина низ тунел долг 8 километри...

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.