Реа и ZX-10RR беа подобри од Кал и М1 на патеката во Арагон.
Супербајк и МотоГП на иста патека за време на дво-дневните тестови. Уникатна можност да се видат двете класи заедно на иста патека.
Штета за проблемите кои ги направи лошото време, комплицирајќи го почетокот на денот иако временските услови подоцна се поправија. Но и ова не ги спречи Џонатан Реа и Kawasaki да покажат што умеат. На крајот тие постигнаа резултат од 1.49.3398. Реа и неговиот ZX-10RR на крајот беа подобри за една десетинка од Кал Кратчлоу кој возеше со М1. Севкупно беа извозени 65 круга.
Кратчлоу и Yamaha мораше да се задоволат со второто место и време од 1.49.460. На третото место се најде уште еден мотоцикл на Kawasaki, а со него возеше Алекс Ловс. Тој постигна време од 1.49.470.
Дани Педроса и КТМ исто така поминаа одреден период на патеката. На крајот тие извозеа 42 круга а најдоброто време кое го постигна Педроса изнесуваше 1.49.912, што му овозможи да дојде до четвртото место. Веднаш зад него се најде Герет Герлоф и Yamaha R1 со време од 1.50.557. Мораме да напоменеме дека Американскиот возач повеќе беше фокусиран на темпото отколку на тоа да постигне најдобар резултат.
Истото се однесува и на Андреа Локатели кој заврши на шестото место. Веднаш зад него следуваа Нозане со R1 како и Понсон кој возеше со Yamaha Asltare.
Тие утре повторно ќе се вратат на патеката кога ќе се оддржи вториот и последен ден од тестовите. Се надеваме само дека ќе ги послужат временските услови иако според тамошната метеоролошка служба се очекува повторно да врне.
Би можело да ве интересира
Денес на патеката Забел, Ст. Нагоричане се одржа третата и последна за оваа година трка во ендуро натпреварувањата.
ОК Холивуд знае да не “отруе” со кованици создадени од имињата на познатите парови, но ја сфаќате аналогијата, нели?
Можно ли е да се подобри моторот кој е ионака еден од најдобрите во среднотешката Adventure класа?
Откако кренаа голема галама по социјалните медиуми пред некоја недела, минатата недела потврдија дека не било се залудно. CFMoto го прикажаа во живо на саемот во Милано нивниот нов концепт SR-C21
Дали MotoGP е навистина најпосакуваниот мото шампионат меѓу возачите?
MV Agusta преку проектот Lucky Explorer влегува во популарната Adventure категорија!
