Ќе мораме да почекаме уште две недели до стартот на сезоната 2021 од WorldSBK серијата.

Холандската трка која требаше да се оддржи на патеката во Асен помеѓу 23-ти и 25-ти април, поради рестрикциите од коронавирусот, е одложена за неколку месеци и ќе се вози помеѓу 23-25 јули. Поради ова, новата сезона ќе почне во Есторил, викендот на 9-ти мај.

Одложувањето на трката во Асен се должи на локалните рестрикции кои ги воведоа неколку градоначалници на регионите каде се наоѓа патеката. Сите тие се согласни дека поголемите настани треба да се одложат барем до 1-ви јуни.

После почетокот на јуни, во регионот закажани се и неколку други настани меѓу кои е и Холандската ТТ трка која треба да се оддржи на 27-ми јуни. Но кај оваа трка, како и сите други поголеми настани, потребно е претходно одобрување кое ќе зависи од тоа каква е моменталната ситуација со коронавирусот.

Во Холандија веќе е на сила забрана за оддржување на јавни настани на целата територија но за провинцијата Дренте, каде се наоѓа патеката, оваа забрана во моментов важи до 1-ви јуни.

Поради рестрикциите, се уште не познато ниту дали ќе се оддржи MXGP трката која е закажана за мај.