Тестови

SWM RS300R – високо квалитетен и достапен мотоцикл

Со оглед на тоа дека на саемите за мотоцикли доминираат модели чија цена изнесува околу 10 000 евра, SWM RS300R чија што цена изнесува 5500 евра во Максима, ни доаѓа како пријатна промена.

Следете нè на:

 

Кога станува збор за пазарот на оф роуд мотоцикли, има само неколку модели по пристапна цена. Со оглед на тоа дека на саемите за мотоцикли доминираат модели чија цена изнесува околу 10 000 евра, SWM RS300R чија што цена изнесува 5500 евра во Максима, ни доаѓа како пријатна промена. Со оглед на разликата во цена, се поставува прашањето дали ако го купите овој мотоцикл сега, подоцна ќе зажалите што не сте доплатиле за да купите некој од лидерите во класата? Одлучивме да откриеме дали е тоа точно.

SW1

Ако не сте во тек со историјата на производителот, еве неколку информации. Во 1987 година, мото одделот на Husqvarna беше продаден на Италијанскиот производител на мотоцикли „Cagiva“. Производството беше префрлено од Шведска во Варезе и стана дел од MV Agusta фамилијата. Дваесет години подоцна, во 2007 година, BMW го купи брендот со намера на голема врата да влезе во пазарот со ендуро мотоцикли.

На прв поглед, се чинеше како навистина паметна одлука. Одлични машини со прекрасен дизајн беа произведувани во фабриката во Варезе. Брендот уживаше голем успех на пазарот со ендуро мотоцикли. Но, зад сцената беше очигледно дека BMW повеќе не е толку заинтересиран за целата идеја. Во јануари 2013 година одлучија да го продадат целиот оддел на Pierer industries.

swm2

За компанијата беше јасно дека производството ќе биде префрлено во фабриката во Матигхофен. Кога ова и официјално се случи во октомври 2013 година, новите сопственици беа решени да не преземат ниту еден од актуелните модели. Но тоа не се случи. Инжинерот Ампело Маки кој има работено за „Cagiva“, „Aprillia“ и „Husqvarna“ сметаше дека не треба да се отфрли работното искуство на Италијанските работници. Склучувајќи договор за соработка со Кинескиот производствен гигант „Shineray“, Маки формираше нова компанија и одлучи повторно да го акивира брендот SWM кој запре со производство во 1984 година. Во текот на седумдесетите и осумдесетите години од минатиот век, SWM беше една од главните компании во мотокрос и ендуро светот.

Користејќи комбинација на модели кои потекнуваат од претходни мотоцикли на Husqvarna и нови машини, SWM полека но сигурно се искачуваше на пазарот, а моделот RS300R е веројатно најкомпетитивната ендуро машина на пазарот. На презентацијата на моделите на SWM во Италија на која присуствувавме имавме прилика да го тестираме токму овој модел.

ZAC 5212

Изгледот на мотоциклот е навистина важен. Грдите мотоцикли не се продаваат но за среќа SWM не е таков, а неговата црвена, црна и бела боја му дава дополнителен ефект. Логото е преработено од оригиналната верзија која потекнува од седумдесетите години. 

Моторот е компактен и е заштитен со црвен околоп. Иако не е мал, сепак сите компоненти се внимателно испланирани и лесно достапни. Седиштето се протега од резервоарот па се до задната суспензија и дополнително го подобрува изгледот на мотоциклот. Ако има едно нешто што не ни се допаѓа тоа е предниот калник кој изгледа навистина чудно без разлика колку е ефективен. Но сепак, што се однесува до изгледот, мислам дека мотоциклот слободно може да добие осмица од можни десет.

Да погледнеме сега како е се ова споено. Мотоциклот има единечна главна рамка како и подрамка. Напред има пар на 48mm Kayaba USD вилушки кои имаат прилагодлива компресија. На задниот дел исто така има Kayaba единица со истите можности за прилагодување. Амортизерот не се наоѓа централно со цел таму да може да се смести воздушната кутија.

SW8

Во однос на сопирачките, и на двата краја има хидраулични единици. Напред се поврзани со 260mm диск додека пак на задниот дел има 240mm диск. Гумите имаат стандардна 21/18 комбинација, 90/90 напред и 140/80 позади. Мотоциклот доаѓа од фабриката опремен со Michelin Completion IV.

Во однос на моторот, тој има четири вентили. Има авто компресија која помага при палењето, а исто така има и мануелен декомпресор. По страните на мотоциклот се наоѓаат двата ладилници, а исто така има и квачило кое е управувано од хидрауличен механизам.

Мотоциклот има електричен стартер кој се чини дека е во мода на пазарот деновиве. Според нас, ова е погрешно бидејќи нема да можете да го запалите мотоциклот доколку ви се испразни акумулаторот.

Системот за гориво користи 42mm Mikuni тело кое е контролирано од страна на EFI единица. Како надополнување, мотоциклот има и Regina ланец кој ја поврзува предната ѕвезда која има 13 забци со задната која има 50.

Во однос на димензиите, SWM има основа од 1485mm и висина на седиште од 955mm. Целиот мотоцикл има тежина од 111 килограми пред да го наполните и онака малиот резервоар со капацитет од 7.5 литри. А за да се задоволат бирократите, тој е во согласност со Euro 3 и 4 стандардите.

swm300 r

Нашиот тест со SWM RS300 очекуваме да биде тежок бидејќи за овој тест планираме да заминеме во сосема друга држава. Иако заминавме во Италија, сепак теренот не беше поразличен од оној кај нас. Во текот на осумте часа додека возевме, поминавме на голем број на различни патеки, од крос патека до возење низ природата. Една од нив беше исклучително тешка и беше невозможно да ја поминете доколку сакате да седите на мотоциклот додека возите.

Но додека седите на мотоциклот, веднаш добивате чувство како да сте на Husqvarna. Седиштето делува како да е повисоко, а ова ви го кажува КТМ возач. Кумплугот е прилично лесен, а и предната сопирачка дава добро чувство.

Кога прв пат го запаливме мотоциклот, ми се чинеше дека брзините се премногу кратки. Речиси исто како и кај двотактен модел, моќноста на RS се движи постепено. На почеток со нежен пренос, а потоа ја покажува вистинската сила како се зголемува бројот на вртежи.

Откако ќе го постигнете ова, тогаш возењето станува многу попријатно. Можеби делува малку потешко во споредба со 300 cc двотактен модел, но сигурно не за многу, благодарение на компактниот мотор. Балансот на мотоциклот е особено важен и можеме да кажеме дека SWM завршија одлична работа. Дури и кога го возевме на тешка патека, каде што нема голем простор за маневар, тој беше одличен. Мотоциклот исто така добро се справува и со водата. Во еден момент се најдовме на едно прилично длабоко место, но моторот продолжи напред без никаков проблем. Во однос на суспензијата, таа се покажа одлична и на двете страни.

ZAC 5409

Обично кога гледате мотоцикли кои се значително поефтини од конкуренцијата, очигледно е каде се направени измените за да се заштеди на пари. Ефтини делови и лошо монтирање сето тоа се одлики на мотоциклите од долниот дел на пазарот. Знаете на кои мислиме...

Но ништо од ова нема кај SWM. RS300R е одлично направен, и се функционира во најдобар ред, од сопирачките па се до електрониката. Додадете на ова и дека е за две илјади фунти поефтин.

Секако, голем дел од заштедата доаѓа од тоа дека новиот мотоцикл дели голем дел од компонентите со Husqvarna кои се веќе претходно направени. Без да се  зголеми цената поради истражувањето и развојот, момците од SWM успеаа да претстават на пазарот нешто што е навистина атрактивно за потенцијалните купувачи.

Лошата страна кога купувате поевтин мотоцикл е фактот дека кога ќе го продавате нема да можете да ја зголемите неговата цена. Но дали е тоа важно? Ако барате добро направен ендуро мотоцикл кој нема да ве чини многу, тогаш купувањето на сосем нов SWM е подобра опција отколку да купите некој KTM или Husqvarna кои веќе имале неколку сопственици.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.