Останато

Red Bull X-Fighters: Мур повторно победи, Паже падна во драматичното финале

Австралиецот Клинтон Мур стигна до втората победа во низа за 2015 година во светското првенство на Red Bull X-Fighters со епска победа против Французинот Томас Паже изборена пред 10-илјадната публика во Атина.

Следете нè на:

 

xfighters athens 3Клинтон Мур (Австралија) победи во Грција

Австралиецот Клинтон Мур стигна до втората победа во низа за 2015 година во светското првенство на Red Bull X-Fighters со епска победа против Французинот Томас Паже изборена пред 10-илјадната публика во Атина. Мур кој исто така победи на отворањето на сезоната во Мексико Сити, го оствари сонот на летната ноќ со возењето на најголемата патека во сезоната лоцирана среде рудник за бел мермер.

АТИНА, Грција – Во финалето коешто ја остави публиката без здив и ќе биде запаметено со векови, Мур беше апсолутно безгрешен на огромната патека во Атина вгнездена во рудникот за мермер Дионисос, со луди изведби на фигури што му помогна да го совлада шампионот од 2013 година, Томас Паже. Мур ја доведе публиката до лудило со брилијантно извршување на најспектакуларните трикови како што се „Bundy“ „The Flair“ и „Volt“, при што беше првиот возач кој го извел последниот трик со слетување без да го држи воланот.

xfighters athens 2Рудникот за мермер Дионисос беше одлична арена за X-Fighters возачите

Австралиецот Роб Аделберг го освои третото место во трката на најголемата патека оваа сезона, додека Французинот Давид Риналдо го направи најдобриот пласман во кариерата со финишот на четвртото место во фантастичната ноќ пред френетичната публика во Атина. Ланскиот шампион Џош Шихан го имаше својот прв настап во 2015 година и го освои петтото место.

- Чувствував голем стрес пред овој настан и имаше голем притисок врз мене околу доаѓањето во Атина. Успеав да се справам со тоа и да ги изведам најдобрите трикови коишто сакав да ги направам. Повторно победив, пресреќен сум, а ова е највчудоневидувачката патека што сум ја видел, - рече Мур, за кого што победата во Мексико воедно беше и прв случај да се пласира подалеку од четвртфиналето.

Паже беше исто така исклучителен и креативен во неговиот последен настап доведувајќи ја до совршенство изведбата на „Flair“ во верзијата наречена „Alley-oop“, во која прави двојно странично завртување во воздух, трик што за првпат е изведен на ова натпреварување. Меѓутоа, нешто не му појде од рака во изведбата на неговиот препознатлив трик „Bike flip“ во којшто го ротира моторот под себе, па мораше да се откаже додека беше во воздух, паѓајќи во белиот мермерен прав. Повторно се качи на моторот и го заврши својот настап со изведување на уште некој трик, но тоа не беше доволно за да го победи Мур.

xfighters athens 1На пиедесталот се искачија Клинтон Мур, Томас Паже и Роб Аделберг

По Мексико Сити и Атина, светското првенство на Red Bull X-Fighters се сели во Мадрид, кадешто на 10 јули ќе се одржи третата трка од годинешниов календар. Потоа ќе следи Преторија во Јужна Афика на 12 септември, а финалето на најпрестижната светска серија во мотокрос слободен стил ќе се одржи во Обединетите Арапски Емирати на 30 октомври.

Резултати: 1. Клинтон Мур (Австралија), 2. Томас Паже (Франција), 3. Роб Аделберг (Австралија), 4. Давид Риналдо (Франција), 5.        Џош Шихан (Австралија), 6. Дани Торес (Шпанија), 7. Адам Џонс (САД), 8. Ливај Шервуд (Нов Зеланд), 9. Реми Бизар (Франција), 10. Хавиер Вилегас (Чиле), 11. Ник Франклин (Нов Зеланд), 12. Крис Мејер (Шпанија)

Табела: 1. Мур 100 поени, 2.Паже 80 поени, 3. Шервуд 80 поени, 4. Аделберг 65 поени, 5. Риналдо 55 поени, 6. Торес 55 поени, 7. Бизар 45 поени, 8.      Шихан 45 поени, 9.          Џоунс 35 поени, 10. Вилегас 30 поени

 

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.