Останато

Победа за Yamaha на „Suzuka 8 Hours“

Yamaha ја одбрани титулата на трката Suzuka 8 Hours, а нејзините возачи Пол Еспаграро, Кацујуки Накасуга и Алекс Ловс доминираа на легендарната јапонска трка.

Следете нè на:

 

Тимот на Yamaha втора година по ред оствари победа на трката Suzuka 8 Hours откако нејзините возачи Пол Еспаграро, Кацујуки Накасуга и Алекс Ловс доминираа на престижната трка на издржливост.

jamaha pobeda 8hsuzuka

Минатата година Еспаргаро, Накасуга и Бредли Смит ја остварија првата победа за тимот на оваа трка по 1996 година.

Променетиот тим, Ловс настапуваше на местото на Смит, имаше малку полесна задача откако нивните најголеми ривали, Musashi Honda, за кој настапуваат Такуми Такахаши, Михаел ван дер Марк и Ники Хејдн, на крајот на третиот час од трката мораа да застанат поради технички проблем.

Еспаргаро имаше предност од 1минута и 22 секунди пред да му го предаде R1 на Накасуга.

Јапонскиот шампион кој е  исто така и тест возач за тимот на Yamaha имаше лош старт на трката но за кратко време успеа да се врати и после првиот пит стоп веќе беше во предност. Веднаш по него настапи возачот од WSBK серијата, Ловс, кој продолжи да вози во ист стил пред да му го предаде мотоциклот на Еспаргаро.

Непречени од никого, триото на Yamaha продолжи да вози со високо темпо и на крајот заврши со предност од 2 минути и 17 секунди пред своите ривали.

Секој од возачите имаше три сесии на патеката кои траеа точно еден час. Последната сезија се возеше навечер. Ловс ја имаше честа прв да ја помине целната линија а Еспаргаро, Накасуга и остатокот од тимот победата ја прославија покрај патеката.

Ова ќе биде последен настап за Еспаргаро на оваа трка во блиска иднина бидејќи од следната сезона тој ќе настапува за тимот на КТМ во MotoGP серијата.

„Чувството е неверојатно. Ова е историска трка и ние два пати победивме. Чувството кога обедуваш по втор пат е секогаш подобро,“ изјави Шпанецот.

Ловс, за кого ова е прва победа на оваа патека, додаде: „Ова е фантастично. Во последниот половина час се погрижив да не направам никаква грешка. Ова е различен стил на возење но сепак уживав. Можеби следната година повторно ќе се обидеме да го постигнеме истиот резултат.“

Официјалниот тим на Kawasaki за кој настапуваа Акира Јанагава, Казуки Ватанабе и Леон Хаслам заврши на второто место со предност од 10 секунди во однос на тимот Yoshimura Suzuki за кој настапуваа Такуја Цуда, Џош Брукс и Супербајк легендата, Норијуки Хага.

YART, Moto Map Suzuki и Eva RT завршија од четвртото то шестото место.

Надежите на Honda за освојување на нова победа на оваа трка згаснаа кога поранешниот MotoGP шампион Хејдн мораше да застане. Американецот, кој почна да вози од дваесетиот круг, почна да има проблеми само што ја напушти гаражата. Иако се уште беше на второто место, Хајден имаше заостанување од  50 секунди во однос на Еспаргаро.

 Ова е втор ваков проблем за тимот на MuSashi RT Harc Pro Honda. Минатата година, Кејси Стонер доживеа ист проблем додека беше лидер на трката.

Во поголемиот дел од првиот час на трката, РиучиКијонари беше лидер се додека Накасуга не успеа да го претекне.

Тимовите на Kawasaki и Suzuki имаа интересна борба за второто место. Посебно интересен беше дуелот меѓу Хаслем и Хага.

На крајот Хаслем успеа да победи и покрај тоа што имаше мали проблеми со возачите кои се наоѓаа пред него.

Тимот FCC TSR ги загуби шансите за место на подиумот откако Moto2 возачот Доминик Агертер го загуби третото место.

Поранешниот Moto2  возач, Џино Реа, имаше технички проблеми со неговиот Toho Honda, а тимот на крај заврши на единаесетото место.

Еспаргаро ќе се врати на MotoGP трките по завршувањето на летната пауза. Следната трка во MotoGP ќе се оддржи во Австрија од 12ти до 14ти август.

CosClGVUIAUPBRO

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.