Останато

Monster Energy Honda се подготвува за враќање во Саудиска Арабија

За 20 дена, возачите на Monster Energy Honda ќе започнат нова авантура на релито Дакар, второ во Саудиска Арабија.

За 20 дена, возачите на Monster Energy Honda ќе започнат нова авантура на релито Дакар, второ во Саудиска Арабија. Жоан Бареда, Кевин Бенавидес, Хозе Игнацио Корнехо и минатогодишниот победник Кевин Брабек ги завршуваат подготовките.

Жоан, имаш најмногу победи помеѓу возачите кои во моментов се дел од релито и трката во Саудиска Арабија за тебе ќе биде 12-то учество на релито. Дали твојот пристап кон трката се смени, сега кога имаш толкаво искуство?

„Не, навистина не. Секој настап на релито Дакар е различен и никогаш не можеш да се опуштиш. Секоја година пред стартот на трката се чуствуваш помалку нервозен. Ова рели се уште е  многу возбудливо за мене.  Велат дека сум еден од фаворитите и затоа морам да се потрудам повеќе за да ги исполнам очекувањата. Трката е долга а во минатото имало години кога се ни одело добро но имало и години кога не сме биле успешни. Севкупно гледано, имам добро чуство за претстојната трка.“

Dakar txt 1 18 12 2020

Кевин, победи на последното рели пред  Дакар, Андалузиското рели, каде учествуваа голем дел од возачите кои ќе ги сретнеш повторно во Саудиска Арабија. Што прави тоа на твојата самодоверба?

„Мислам дека тоа беше одличен старт на релито. Двата настани се многу различни но јас се чуствував удобно на мотоциклот. Таа трка беше многу важна за мене бидејќи, поради коронавирусот, беше единствената трка на која можев да се натпреварувам во текот на целата година. После тренинзите со Рики во Калифорнија, оваа победа ми помогна да ја зголемам самодовербата.“

Dakar txt 2 18 12 2020

Хозе, релито следната година за тебе ќе биде четврти настап на Дакар. Претходните години завршуваше на осмото, шестото и четвртото место. Секако, следен логичен чекор е место на подиумот?

„Се обидував да се подобрам и да учам секоја година. Успеав да стигнам до четвртото место што сметам дека е голем успех. Но за да победам ќе морам да се искачам три позиции погоре. Но тоа ќе биде голем предизвик бидејќи конкуренцијата е навистина силна. Имав добри подготовки и сигурен сум дека кога ќе пристигнам во Џеда ќе бидам во врвна форма.“

Dakar txt 3 18 12 2020

Рики, често велат дека е многу потешко да се одбрани победата. Дали ќе имаш поинаква стратегија за релито?

„Тоа е точно. Од вас се очекува повторно да победите и тоа само го зголемува притисокот. Да бидам искрен, едноставно ќе возам во текот на првата недела и дури подоцна ќе почнам да мислам на стратегијата. На Дакар не се победува после првата недела, но токму тогаш можеш да загубиш.“

Dakar txt 4 18 12 2020

Рики, ASO воведе некои нови регулации кои треба да ја направат трката побавна. Што мислиш околу тоа?

„Искрено, мислам дека никој нема да биде побавен со тоа. Ние сме тркачи и затоа ќе продолжиме да се тркаме. Фактот што овој пат имаме само шест задни гуми нема премногу да не забави но би можело да ги направи работите многу поризични.“

Dakar txt 5 18 12 2020

Рики, дали има некои промени на мотоциклот за 2021година?

„Минатата година мотоциклот беше доволно брз и издржлив и затоа не направивме никакви промени.  Има некои мали подобрувања, но машината главно е иста. Сигурен сум дека моторот ќе биде добар како и минатата година бидејќи повторно го користиме маслото на Motul.“

Dakar txt 6 18 12 2020

Би можело да ве интересира

Како што забележавме на претходната трка во Британија, на тројцата најбрзи им се приклучува и Redding.

Кон крајот на минатиот месец ја имавме честа и задоволството да бидеме дел од првото европско демо возење организирано за медиумите од страна на CFMOTO Франција. 

Победи во сите 3 трки во Donington Park како најава за враќање на Турчинот во одбрана на титулата.

Сите знаеме колку жртви се потребни за постигнување спортски успеси на врвно ниво, но возачите во MotoGP едноставно одат неколку чекори подалеку.

Не баш секој ден на тајмлајн ти поминуваат слики од некој што рачно изработува кациги, особено не тука во Скопје, Македонија. 

Без паника, ова е почеток на едно ново поглавје за култната фабрика од Болоња, но не е и збогум за гласните V2-ки и V4-ки.

Листа на мото настани

Мото клубот No Limit поканува на мото собир на 20 август во Маврово. 

  • 20 Август 2022 - 20 Август 2022
  • Ратрак Маврово

Ноќни Волци Балкан: Интернационален мото собир.

  • 09 Јули 2022 - 09 Јули 2022

Најава за мото собирот на МК ЏИНКА Радовиш кој ќе се оддржи на 29/30/31 јули 2022 година. Повеќе детали наскоро.

  • 29 Јули 2022 - 31 Јули 2022
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.