Останато

Јамаха победи на Осум часа Сузука

Yamaha Factory Racing влезе во историјата на трката Suzuka 8-Hours откако успеаа да стигнат до четвртата победа по ред на оваа одлична трка.

Следете нè на:

 

Јапонската трка на издржливост стана една од најголемите спектакли во календарот. На трката долга 199 круга, имаше моменти кои им се чинеа како цела вечност на Михаел ван дер Марк и Алекс Ловс.

Откако Кацујуки Накасуга поради повреда на рамото мораше да ја пропушти трката, целиот товар падна врз неговите колеги.

Race Day Photos 2018 Suzuka 8 Hours Steve English 17

Тие успеаа да се справат со притисокот но имаа сериозна конкуренција од возачите на тимот на Kawasaki.

Во пресрет на трката, Yamaha беше незадоволна од потценувачкиот став кој луѓето го имаа кон тимот на Kawasaki. Нивната последна победа на оваа патека бешe пред 25 години но со оглед на тоа дека во тимот сега е вклучен Џонатан Реа како и уште неколку други членови на KRT WorldSBK, работите се променети.

Нивниот нов мотоцикл во пресрет на трката беше детално проверен од страна на Пере Риба. Ова доведе до одлична брзина за време на квалификациската сесија која се оддржа во петокот како и пол позиција.

Race Day Photos 2018 Suzuka 8 Hours Steve English 02

Kawasaki беше најбрзиот тим на патеката оваа недела но Yamaha беше најконзистентен.

Иако се најавуваше сончево време, само 15 минути пред да почне трката, патеката беше поплавена од  дождот.

Сите на патеката станаа нервозни, а тоа најубаво можеше да се види на  лицата на возачите кои знаеја дека пред нив имаат сериозен предизвик.

Клучно беше да се избегне било каква грешка на почеток на трката.  Red Bull Honda го презеде водството а Yamaha беше четврта. Топлото време и ветерот за кратко време ја исушија патеката. Силвиан Гинтоли беше првиот возач кој ризикуваше и одлучи да ги промени пневматиците. Тој одбра одличен момент за промена а веднаш по него тоа го стори и ван дер Марк.

Race Day Photos 2018 Suzuka 8 Hours Steve English 15

До моментот кога Реа излезе од гаражата, веќе беше на четвртото место и мораше да се пробие низ групата возачи кои беа пред него.

Напред на патеката, сите ја чекаа Honda да замине во гаражата. Реа беше во форма и за кусо време ги претекна Гинтоли и ван дер Марк. Но иако сите очекуваа Реа многу лесно да им избега на останатие возачи, членовите на Yamaha не мислеа така.

Ние имавме среќа да уживаме во една од најинтересните трки на оваа патека. Возачите постојано ги менуваа своите позиции а после еден час возење, разликата меѓу нив изнесуваше само неколку десетинки.

Борбата продолжи и во вториот час од трката, а возачите на Kawasaki и Yamaha најизменично ги менуваа позициите.

Race Day Photos 2018 Suzuka 8 Hours Steve English 04

Хаслам во еден момент имаше предност од 5 секунди но Ловс за кратко време успеа да го стигне а дури се обиде и да го претекне.

Предноста од една секунда која ја имаше Yamaha во третиот час од трката за кратко време беше намалена од страна на тимот на Kawasaki.

За време на средината од трката, возачот на Kawasaki со број единаесет остана без гориво а Џонатан Реа излета надвор од патеката.

„Искрено, навистина не знам како излетав надвор од патеката,“ изјави Реа. „Возев со слик пневматици и сакав да влезам во гаражата. Веројатно требаше да го направам тоа но сепак продолжив да возам. Притиснав на гаста, задното тркало почна да се лизга и излетав надвор од патеката.“

Honda, кои само што го испратија Пи Џеј Јакобсен на патеката се најде на второт место.

„Ова за мене беше чудна трка,“ изјави Јакобсен. „Кога излегов на патеката таа веќе беше влажна. Досега, на оваа патека немам возено на вакви услови и затоа се обидов најбрзо што можам да ја научам патеката. Среќен сум што завршивме на второто место и сакам да му се заблагодарам на HRC и на целиот тим.“

Race Day Photos 2018 Suzuka 8 Hours Steve English 02 copy

Откако не беше дел од квалификациската сесија, Јакобсен помина голем дел од трката надвор од патеката, а во моментот почна да вози, Honda го презеде водството на патеката.

Откако беа на лидерското место во првиот дел од трката со нивниот Fireblade, се чини дека тимот чекаше предолго пред да ги замени пневматиците. Но таквата одлука го дефинираше нивниот настап бидејќи им овозможи во текот на целата трка да бидат еден чекор понапред од Yamaha. Јакобсен беше во водство во моментот кога безбедносното возило ја напушти патеката но за кусо време беше претекнат од ван дер Марк.

До крајот на трката, Honda ќе има две влегувања во гаражата помалку од Yamaha кои беа најдобриот тим на патеката.

„Три победи по ред за мене и четири по ред за Yamaha“, извика Алекс Ловс по завршувањето на трката. „Ова воопшто не беше лесна трка за мене и за Михаел бидејќи за жал Накасуга беше повреден. Трката беше тешка но Михаел заврши одлична работа. Тој возеше во многу полоши услови во споредба со мене. Но сепак, задоволен сум од настапот и од тоа што се држевме до планот.“

Race Day Photos 2018 Suzuka 8 Hours Steve English 06

„Во вториот дел од трката успеавме да направиме мала предност. Останавме смирени и стигнавме до првото место. Искрено бев малку изненаден од тоа колку бевме силни. Денот беше фантастичен и прекрасно е чувството кога ќе стигнете до побесда. “

Последниот час од трката го одбележа Kawasaki кои се обидуваа да ја надокнадат разликата. Сепак, за жал сето тоа беше предоцна и трката на крајот ја завршија на третото место.

Зад Yamaha, Honda и Kawasaki се најде првиот Suzuki од екипата број 95. Томи Бриџвел, кој неодамна беше отпуштен од BSB имаше одличен настап на трката.

motul makeodnija

Би можело да ве интересира

На ред е седмата рунда од МотоГП шампионатот која викендов ќе се вози на патеката Каталуња во близина на Барселона.

Валентино Роси вели дека нема причина за загриженост околу неговата иднина во Премиерната класа и покрај тоа што го имаше можеби најлошиот викенд во неговата 23 годишна кариера.

Нашите извори од MotoGP гаражите откриваат дека би можело да има големи промени на патеката во сезоната 2020.

Кога дојде поканата за присуство на презентацијата на двата мотоцикли на Honda, CB650R и CBR650R, навистина бев заинтересиран да отидам. На хартија, моделот 650 изгледа како еден од најпотценетите модели но навистина сакав самиот да проценам дали тоа е вистина или не.

Откако Данило Петручи победи на трката во Муџело, Џек Милер вели дека би бил среќен доколку остане дел од тимот и во 2020 година.

Дали затворањето на визирот на вашата кацига го прави воздухот што го дишете опасен?

Бидете информирани за сите новости директно на вашата е-маил адреса
Реклами

Листа на мото настани

  • 14 Јуни 2019 - 16 Јуни 2019
  • Кавадарци

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

Благодарност!

Ви благодариме за тоа што споделувате содржини и го поддржувате нашиот веб сајт.