Останато

Дмитри Колтаков: Гладијатор на мраз!

Дмитри Колтаков е осум кратен шампион во „ Ice speedway “ тркањето. Ова е спорт во кој возачите возат по мраз со остри шила закачени на нивните гуми.  Има посебна причина поради која ги нарекуваат гладијатори. Ние имавме можност да разговараме со еден таков натпреварувач за да дознаеме нешто повеќе за овој спорт.

Следете нè на:

 

Дмитри, за оние кои не знаат што е  „Ice speedway“, можеш ли накратко да ни објасниш?

„Малку е лудо. Возиме мотоцикл на мраз а самата патека има овална форма.  На пневматиците има закачени остри шила кои ја пробиваат површината на мразот. Исто така треба да напоменам и дека нашите мотоцикли немаат сопирачки.“

dmitri koltakov 2

Имам слушнато дека гумите кои што ги користите вие имаат подобар контакт со површината отколку офроуд пневматиците.

„Токму така. Всушност, многу лесно можете да заборавите дека возите на мраз. Шилата го пробиваат мразот и имате многу добра контрола над мотоциклот. Но за време на трката, условите секогаш се менуваат.Колку повеќе кругови поминувате толку е послаб контактот со површината. Тоа секогаш е предизвик.“

dmitri koltakov 3

Што те навлече на вакви трки?

„Започнав со мотокрос во близина на градот каде што израснав. Тренирав заедно со Николај Красников. Тој не само што ми е пријател туку е и најуспешниот возач на мраз. Досега има победено околу 20 пати. Тој прв ми кажа дека мојот стил на возење перфектно одговара на вакви трки. Првиот пат кога пробав да возам на мраз, веднаш знаев дека тоа сакам да го правам.“

Носиш ли некаква специјална заштита кога си на патеката со оглед на тоа дека сите мотоцикли околу тебе имаат остри делови на пневматиците?

dmitri koltakov 4

„Поголем дел од мојата опрема е многу слична со онаа која ја имаат возачите во мотокрос. Носам две различни обувки. На десната нога имам чизма од мотокрос  а на левата нога имам чизма која е во стилот на MotoGP. Едната ми дава поголема заштита додека пак другата е многу пофлексибилна. На левата нога имаме специјална заштита во случај да дојдеме во контакт со другите мотоцикли.“

Три кратен индивидуален светски шампион и пет пати екипен шампион. Која е твојата тајна?

dmitri koltakov 5

„Тоа ќе остане тајна. Верувам дека тоа најмногу се должи на мојата работна етика. Знам која е целта која сакам да ја постигнам и постојано сум фокусиран. А фактот дека многу работи научив и од најдобриот возач во овој спорт, Николај Красников, исто така помага.“

Ова очигледно е зимски спорт. Што правиш во текот на летото за да ја задржиш формата?

dmitri koltakov 6

Во останатиот дел од годината тренирам мотокрос.  За тоа возење користите други мускули и затоа голем дел од времето го поминувам и во сала за вежбање.

dmitri koltakov 7

Би можело да ве интересира

Алваро Баутиста продолжува со перфектниот старт на новата сезона и стигна до нов хет трик од победи.

FIM потврди дека жалбата која тимовите ја поднесоа против Ducati ќе биде разгледана од страна на Апелацискиот суд надлежен за MotoGP а сослушувањето треба да се одржи овој месец.

Алваро Баутиста го претекна Џонатан Реа и се најде на првото место по завршувањето на слободниот тренинг во Тајланд. Двајцата возачи постојано го подобруваа своето време.

Тимскиот менаџер на Suzuki, Давиде Бривио, тврди дека новиот уред на мотоциклот на Ducati има врска со аеродинамиката. Вели дека Suzuki поднесе жалба со цел засекогаш да се реши проблемот.

Првата трка од новиот MotoE шампионат, која требаше да се вози во Херез на почетокот на мај, можеби нема да се одржи.

Сега имате можност да станете сопственик на уникатна машина.

Бидете информирани за сите новости директно на вашата е-маил адреса
Реклами

Благодарност!

Ви благодариме за тоа што споделувате содржини и го поддржувате нашиот веб сајт.