Полскиот мотоциклист Михал Херник беше пронајден мртов за време на третата етапа од релито Дакар, соопштија организаторите.
Полскиот мотоциклист Михал Херник беше пронајден мртов за време на третата етапа од релито Дакар, соопштија организаторите.
Триесет и деветгодишникот беше најден на 300 метри од патеката на етапата од Сан Хуан до Чилесито во Аргентина.
Причината за смртта засега е непозната, бидејќи на телото на Херник немало видливи знаци на несреќа.
Ова беше прв настап за Херник на релито и се наоѓаше на 84. место.
- Кога менаџментот на трката забележа дека неговиот сигнал е изгубен, реши да почне потрага во мотоциклистот. Хеликоптер на брза помош го пронајде на 300 метри од рутата. За жал, докторот можеше само да констатира смрт - сооштија организаторите.
Релито Дакар е познато по фаталните несреќи и досега има над 50 загинати натпреварувачи и гледачи од неговото воведување во 1979 година.
Фото: АП
Извор: Вест
Коментари