Шпанскиот бренд LS2 кој веќе сериозно напаѓа на сите полиња ја поднови својата понуда за 2022 година.
Веќе некое време ги гледаме низ град, на отворените патишта но и на тркачките патеки. Шпанците неодмана ја проширија својата понуда па покрај кациги сега во својата понуда имаат и облека и ракавици. Но, она по што се најпрепознатливи се одличните перформанси на своите кациги за одлична цена.
За 2022 во својата освежена програма фокусот го ставија на 3 модели и тоа најновиот Drifter, X-Force и Advant.
LS2 Drifter Jet кацига
Drifter е всушност т.н. џет (отворена) кацига која сега доби поспортски изглед и додаток за заштита на брадата. Обично џет кацигите се наменети за дневно возење низ град, каде ризикот од сериозен пад, особено на предниот дел од лицето е помал. Лесни се, комотни и крајно практични. Но со новиот модел LS2 се обидува да отиде чекор понапред и да внесе дел од функционалностите на поскапите модели во овој повеќенаменски модел.
Како додаток сега Drifter има заштита на преднот дел од лицето, односно брадата, кој иако не ги задоволува највисоките стандарди за заштита од удар, сепак го исполнува ECE 22.06 стандардот, а е супер корисен за поладните денови. Инспириран од посеризоните туринг кациги Drifter има т.н. пик и додаток за заштита од сонце (sun visor). Покрај двата канали за вентилација Drifter има можност за вградување на повеќе различни комуникациски системи, што во основа со сите овие функционалности го прави подготвен и за мали тури во околина на големите урбани населби.
LS2 X-FORCE MX703
Станува збор за врв во понудата на офроуд кациги. Со тежина од 1300 грама, и бројните безбедносни и вентилациски системи оваа кацига навистина цели кон врвот. Ги задоволува и ECE 22.06 и DOT стандардите и притоа доаѓа со ласерски исечена пена и антиалергенсни материјали кои дополнително го зголемуваат комфорот.
X-FORCE MX703 има двоен D Ring, систем за итно вадење на кацигата, појачани затегнувачи, метална безбедносна плочна и EPS основа со различна густина.
LS2 Advant
Станува збор за модуларна кацига која е подготвена за туринг или спорт туринг возачи. Advant се базира на веќе докажаниот и ултра популарен модел на LS2, valliant. Системот на орварање во кој предниот дел се превртува за 180 степени назад и не прави толку сериозен дисбаланс како кај другите модуларни кациги го прави овој модел одличен во двата тиа на употреба. Секако кацигата има хомологација да биде употребувана во две позиции, и отворена и затворена.
Бројните функции како и Pinlock додатокот, подготвката за блутут уред и безбедносните карактеристики го прават Advant еден од најатрактивните модели во понудата на производителот. Деталите за кацигата се достапни на нивниот сајт, но како и некои од другите модели кои ги наведовме во овој текст понудата ќе стартува за некој месец.
На нашиот пазар увозник и дистрибутер на LS2 е SkyMoto од каде добивме информација дека дел од новите модели веќе се достапни во нивната богата понуда на бои и дизајни, а некои од поновите најави очекуваат да ги добијат во една од следните пратки.
Коментари