MotoGP

Роси: Се потешко станува освојувањето на титулата

„Беше многу тешко со предност од 43 бодови, а сега е уште потешко откако предноста е зголемена на 52 бода“- Валентино Роси

Следете нè на:

 

Валентино Роси призна дека борбата за титулата сега ќе биде многу потешка откако Марк Маркез повторно ја зголеми предноста.

Роси заврши на третото место зад тимскиот колега Хорхе Лоренцо и Марк Маркез кој успеа да овои 25 бодови.  Разликата меѓу Маркез и Роси сега изнесува 52 бода а до крајот на шампионатот остануваат само уште 4 трки.

37 годишниот возач кој го освои својот четврти подиум по ред, во изминативе неколку трки постепено ја намалуваше предноста во однос на Маркез, но возачот на Repsol Honda со оваа победа повторно успеа да ја зголеми разликата.

PA2034737.0008

 „Беше многу тешко со предност од 43 бодови а сега е уште потешко откако предноста е зголемена на 53 бода. Не сакам да мислам на шампионатот. Мораме да продолжиме со напорната работа, да останеме концентрирани. За три недели ќе се оддржат другите трки кои ми се допаѓаат и на кои нашиот мотоцикл е особено добар. Ќе мораме да се бориме за победа,“ изјави Роси.

„Со Yamaha немаме победа од трката во Барселона а се чини дека мотоциклите на Honda и на Suzuki имаат голем напредок. Во последните неколку трки тие остварија победи со неколку различни возачи. Мораме да бидеме компетитивни во последниот дел од шампионатот.“

„Важно е да имаме добри трки, да не правиме грешки, да се најдеме на подиумот и да се обидеме да победиме. 52 поени се многу, а и борбата за второто место е изедначена.“

Роси се фокусираше на темпото за време на слободниот тренинг во Арагон и беше во предност во поголемиот дел од трката се до моментот кога беше претекнат најпрво од Маркез а потоа и од Лоренцо.

„Почетокот на трката беше многу забавен, тоа беше одлична борба. Забележав дека Маркез има некакви проблеми и си помислив дека тоа е поради предниот пневматик. Кога бев напред имав добро темпо, се обидов да притиснам до крај но за жал тоа не беше доволно.“

„Во текот на викендот се обидовме да работиме на тоа да бидеме брзи во вториот дел од трката, но за жал не излезе онака како што посакувавме.Дадов се од себе но Лоренцо во вториот дел од трката беше побрз од мене.“

„За жал направив грешка при сопирањето. Одлучив да го скратам свиокот и да излезам надвор од патеката бидејќи ако не го сторев тоа ќе се судревме. Но во секој случај, добро е што освоивме место на подиумот. Секако дека сакав да се најдам пред тимскиот колега но овој пат тој беше побрз. Но сепак, освоивме важни поени.“

Роси сега мора да биде внимателен бидејќи тимскиот колега Лоренцо заостанува само 14 поени.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.