MotoGP

Роси се надева на подиум во Катар

“Би сакал да се искачам на подиумот, тоа е мојата цел”- Валентино Роси

Следете нè на:

 

motogp fp1 rossi originalВалентино Роси на првиот тренинг во Катар

“Би сакал да се искачам на подиумот, тоа е мојата цел”- Валентино Роси

Валентино Роси има за цел да заврши помеѓу првите тројца возачи на трката во Катар. Италијанската легенда е седумкратен шампион во премиер класа и возач со најмногу победи, а зад себе има вкупно девет титули.

Но одлуката да започне нов предизвик со Ducati се покажа како чекор назад. Роси нема забележано победа откако замина од Yamaha, остварувајќи само три места на подиумот со Desmosedici.

Yamaha  во меѓувреме продолжи да победува-минатата година ја освои титулата-со двојниот шампион Хорхе Лоренцо, кој можеби беше главната причина поради кој Роси ја напушти Yamaha.

Главната причина за враќањето на Роси беше едноставно шансата да вози на конкурентна машина. 34-годишниот возач се чини дека ужива во статусот на аутсајдер. За прв пат во неговата кариера, возачот од спротивната страна на гаражата се очекува да го победи него.

Лоренцо го направи токму тоа на повеќето од пред сезонските тестови, но Роси беше подобар на последниот предсезонски тест во Херез кога заврши на второто место во генералниот пласман, веднаш зад Кал Кратчлоу. Лоренцо и вицешампионот од минатата сезона Дани Педроса (Honda) се чини дека се уште пред него во однос на брзината.

Роси би можел да се бори со Маркез за последното место на подиумот на трката во недела, но како што покажа трката во Лагуна Сека во 2008 година, доколку Роси се доближи доволно блиску и успее да го вознемири водечкиот натпреварувач, се може да се случи.

„Многу сум задоволен од работата што ја завршивме во Херез и во текот на зимата. Бев брз, се работеше во ред и имаме конкурентен мотор со кој можеме да се бориме за место на подиумот,“ изјави Роси.

„Мислам дека во Катар нема да биде многу лесно; тоа е патека што е тешка за мене, но мислам дека можам да се одбранам и да постигнам добар резултат. Би сакал да се искачам на подиумот, тоа е мојата цел.“

На денешниот прв тренинг Роси забележа трето време.

Возбудувањата продолжуваат утре, според следниот распоред:

Петок:
17:00-17:45 MotoGP Слободен тренинг 2
18:00-18:40 Moto3 Слободен тренинг 3
18:55-19:40 Moto2 Слободен тренинг 3
19:55-20:40 MotoGP Слободен тренинг 3

Сабота:
17:00-17:40 Moto3 Квалификации
17:55-18:40 Moto2 Квалификации
18:55-19:25 MotoGP Слободен тренинг 4 - ново за 2013
19:35-19:50 MotoGP Квалификации 1 - ново за 2013
20:00-20:15 MotoGP Квалификации 2 - ново за 2013
20:40-21:00 Moto3 Загревање
21:15-21:35 Moto2 Загревање

Недела:
17:00-17:20 MotoGP Загревање
18:00 Moto3 Трка (18 круга)
19:20 Moto2 Трка (20 круга)
21:00 MotoGP Трка (22 круга)

SportKlub каналот ќе ги пренесува во живо сите возбудувања, тренинзите, квалификациите и трките во недела.

 

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.