MotoGP

Роси: Мотоциклот не е во добри односи со гумите

Откако ризикуваше со сетапот во неделата, Валентино Роси се врати на претходните сетинзи но проблемот со пневматиците остана ист.

Следете нè на:

 

Ниту поцврстиот состав на предниот пневматик на мотоциклот на Валентино Роси не успеа да ја промени неговата среќа на трката во Херез. На тестот кој се оддржа во понеделникот веднаш после трката, тој повторно ги имаше истите проблеми.

Откако направи радикална промена во неделата, следниот ден Роси се врати на конвенционалните сетинзи. Но сепак, резултатите повеќе или помалку останаа исти.

rosi problem gum

На тестот, лидерот на табелата заврши на 21-то место, а неговиот најбрз круг беше за 1.8 секунди побавен од времето кое го постигна неговиот тимски колега, Маверик Вињалес.

Фрустрациите кај Роси беа очегледни особено ако се земе во предвид и фактот дека ја испроба и новата шасија на Yamaha како и поцврстиот преден пневматик со кој настапи на трката во Валенсија минатиот ноември.

Дури и после дополнителниот тренинг, Роси не успеа да го подобри мотоциклот. „Пробавме нешто различно во сетинзите но за жал тоа не ни успеа на трката,“ изјави Роси. „Денеска пробавме нешто ново но и тоа не успеа. Но сепак на тестот откривме дека треба да го подобриме мотоциклот при влегување во свиок.“

„За мене овој викенд беше тежок бидејќи мотоциклот немаше добар однос со пневматиците. Ова е најголемиот проблем. Научивме и некој работи, но сепак, на крај, чувството остана исто.Се надевам дека на трката во Ле Ман, мотоциклот ќе биде подобар.“

Италијанецот се уште не може да разбере зошто мотоциклот се однесува така при помала брзина кога тој одлично функционираше минатата година на трката во Андалузија.

„Викендов воопшто не бевме силни, а пред да почне тркате се обидовме да промениме нешто. Но за жал тоа не успеа. Ако возам со нормалниот сетинг мислам дека ќе постигнам подобар резултат.“

На прашањето дали на мотоциклот му е потребен нов сетап или пак нови компоненти за да се реши проблемот, Роси изјави: „Мислам дека за на краток рок, можеме да промениме нешто во сетапот. Но сепак ни е потребно нешто поразлично. Искрено не знам што е тоа, но се чини дека е потребно нешто повеќе внатре во мотоциклот.“

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.